കാസര്‍കോട്ടെ ലോഡ്ജുകളിലും ക്വാട്ടേഴ്‌സുകളിലും പോലീസിന്റെ കര്‍ശന പരിശോധന

File photo

കാസര്‍കോട്: ഹൈദരാബാദിലുണ്ടായ ഇരട്ട ബോംബ് സ്‌ഫോടനത്തിന്റെ പശ്ചാത്തലത്തില്‍ കാസര്‍കോട്ടെ ലോഡ്ജുകളിലും ക്വാട്ടേഴ്‌സുകളിലും പോലീസ് ഞായറാഴ്ച രാവിലെ മുതല്‍ ഉച്ചവരെ കര്‍ശന പരിശോധന നടത്തി. കാസര്‍കോട് ഡി.വൈ.എസ്.പി. മോഹനചന്ദ്രന്‍, കാസര്‍കോട് എസ്.ഐ. ദിനേഷ്, വിദ്യാനഗര്‍ എസ്.ഐ. ഉത്തംദാസ് തുടങ്ങിയവരുടെ നേതൃത്വത്തിലാണ് മുഴുവന്‍ ലോഡ്ജുകളിലും ക്വാട്ടേഴ്‌സുകളിലും രാവിലെ മുതല്‍ പരിശോധന നടത്തിയത്.

മിക്ക ലോഡ്ജുകളിലും താമസക്കാരുടെ കൃത്യമായ വിവരങ്ങളൊന്നും സൂക്ഷിച്ചിരുന്നില്ല. ഫോട്ടോ പതിച്ച തിരിച്ചറിയല്‍ കാര്‍ഡിന്റെ പകര്‍പ്പ് നല്‍കാത്ത ആര്‍ക്കും മുറി നല്‍കേണ്ടതില്ലെന്ന് പോലീസ് ലോഡ്ജ് ഉടമകള്‍ക്കും, ക്വാട്ടേഴ്‌സ് ഉടമകള്‍ക്കും നിര്‍ദേശം നല്‍കിയിട്ടുണ്ട്. നിര്‍ദേശം ലംഘിച്ചാല്‍ അത്തരം ലോഡ്ജുകള്‍ക്കും, ക്വാട്ടേഴ്‌സുകള്‍ക്കുമെതിരെ കര്‍ശന നടപടി സ്വീകരിക്കുമെന്നും പോലീസ് മുന്നറിയിപ്പ് നല്‍കി.