13 കാരിയെ പീഡിപ്പിച്ച സംഭവത്തില്‍ മാതാവിനെ പ്രതിചേര്‍ത്ത് പോലീസ് റിപോര്‍ട്ട്
Nov 28, 2012, 13:44 IST
ചെങ്കള യു.പി. സ്കൂളിലെ ഏഴാം ക്ലാസ് വിദ്യാര്‍ത്ഥിനിയായ പെണ്‍കുട്ടിയെ പീഡിപ്പിച്ച സംഭവത്തില്‍ മുട്ടത്തൊടിയിലെ കാര്‍വാഷിംഗ് സെ്ന്റര്‍ ഉടമ നാസറിനെ (28) പോലീസ് അറസ്റ്റുചെയ്തിരുന്നു. മറ്റൊരുപ്രതി തളിപ്പറമ്പിലെ സലീം (29) ഒളിവിലാണ്. പെണ്‍കുട്ടിയുടെ മാതാവ് സുഹറയുടെ ഒത്താശയോടെയായിരുന്നു പെണ്‍കുട്ടിയെ പീഡിപ്പിച്ചതെന്ന് പോലീസ് അന്വേഷണത്തില്‍ കണ്ടെത്തിയതിനെ തുടന്നാണ് ഇവരെകൂടി പ്രതിചേര്‍ത്തുകൊണ്ട് പോലീസ് കോടതിക്ക് റിപോര്‍ട്ട് നല്‍കിയത്.
മുട്ടത്തൊടിയിലെയും തളിപ്പറമ്പിലെയും ആളൊഴിഞ്ഞ വീട്ടില്‍കൊണ്ടുപോയാണ് പെണ്‍കുട്ടിയെ പ്രതികള്‍ പീഡിപ്പിച്ചത്. പെണ്‍കുട്ടി സ്കൂള്‍ അധ്യാപികയോട് പീഡിനവിവരം പറഞ്ഞതോടെയാണ് സംഭവം പുറത്തറിഞ്ഞത്. ചൈല്‍ഡ്‌ലൈന്‍ അധികൃതര്‍ പെണ്‍കുട്ടിയെ കൗണ്‍സിലിംഗിന് വിധേയമാക്കിയപ്പോള്‍ 10-ാം വയസുമുതല്‍ തന്നെ പീഡിപ്പിക്കപ്പെട്ടിരുന്നതായി വ്യക്തമായിരുന്നു. മാതവിനൊപ്പംപോകാന്‍ കൂട്ടാക്കാതിരുന്ന പെണ്‍കുട്ടിയെ പിന്നീട് പരവനടുക്കം മഹിളാ മന്ദിരത്തിലാണ് പാര്‍പിക്കുകയായിരുന്നു. പെണ്‍കുട്ടിയില്‍ നിന്നും കേസന്വേഷിക്കുന്ന കാസര്‍കോട് സി.ഐയുടെ ചുമതലവഹിക്കുന്ന ആദൂര്‍ സി.ഐ. എ. സതീഷ്കുമാര്‍ വിശദമായ മൊഴി രേഖപ്പെടുത്തിയിരുന്നു. ഇതിന്റെ അടിസ്ഥാനത്തിലാണ് പെണ്‍കുട്ടിയുടെ മാതാവിനെ കൂടി കേസില്‍ പ്രതിചേര്‍ത്തിരിക്കുന്നത്.
Keywords: Kasaragod, Molestation, Report, Police, Case, Court, Escaped, Chengala, Student, Child Line, Malayalam News, Kerala Vartha
Tags
Share this story
