ആശുപത്രിയിലുള്ള ഭാര്യയെ ഡിസ്ചാര്‍ജ് ചെയ്ത് വീട്ടിലേക്ക് കൊണ്ടുപോകുന്നതിനിടെ കാര്‍ നിയന്ത്രണംവിട്ട് കുഴിയിലേക്ക് മറിഞ്ഞ് പോലീസുകാരനും ഭാര്യയും ഉള്‍പെടെ 4 പേര്‍ക്ക് പരിക്ക്

കാസര്‍കോട്: (www.kasargodvartha.com 13.03.2019) ആശുപത്രിയിലുള്ള ഭാര്യയെ ഡിസ്ചാര്‍ജ് ചെയ്ത് വീട്ടിലേക്ക് കൊണ്ടുപോകുന്നതിനിടെ കാര്‍ നിയന്ത്രണംവിട്ട് കുഴിയിലേക്ക് മറിഞ്ഞ് പോലീസുകാരനും ഭാര്യയും ഉള്‍പെടെ കുടുംബത്തിലെ നാലു പേര്‍ക്കും പരിക്കേറ്റു. ആദൂര്‍ പോലീസ് സ്‌റ്റേഷനിലെ സിവില്‍ പോലീസ് ഓഫീസര്‍ ബദിയടുക്ക നീര്‍ച്ചാല്‍ കിന്നിംഗാറിലെ എസ് ഗോകുല്‍ (32), ഭാര്യ അശ്വിനി (26), ഭാര്യാ പിതാവ് സുബ്ബ (60), മാതാവ് കുസുമ (57) എന്നിവര്‍ക്കാണ് പരിക്കേറ്റത്.

ബുധനാഴ്ച സന്ധ്യയോടെ നീര്‍ച്ചാലില്‍ അപകടമുണ്ടായത്. കാസര്‍കോട് ജനറല്‍ ആശുപത്രിയില്‍ നടുവേദനയ്ക്ക് ചികിത്സയിലായിരുന്ന ഭാര്യയെ ഡിസ്ചാര്‍ജ് ചെയ്ത് വീട്ടിലേക്ക് പോകുന്നതിനിടെയാണ് കാര്‍ അപകടത്തില്‍പെട്ടത്. പരിക്കേറ്റവരെ കാസര്‍കോട്ടെ സ്വകാര്യാശുപത്രിയില്‍ പ്രവേശിപ്പിച്ചു.