റോഡരികില്‍ തമ്പടിച്ച യുവാക്കളെ പോലീസ് അടിച്ചോടിച്ചു

തളങ്കര: (www.kasargodvartha.com 13.09.2018) റോഡരികില്‍ തമ്പടിച്ച യുവാക്കളെ പോലീസ് അടിച്ചോടിച്ചു. വ്യാഴാഴ്ച രാത്രി ഒമ്പത് മണിയോടെ തളങ്കര കടവത്താണ് സംഭവം. പല സ്ഥലങ്ങളിലുമുള്ള യുവാക്കള്‍ തളങ്കര കടവത്ത് പതിവായി എത്തി റോഡരികില്‍ തമ്പടിക്കുന്നത് വഴിയാത്രക്കാര്‍ക്കും വാഹനയാത്രക്കാര്‍ക്കും ഒരേ പോലെ ശല്ല്യമാകുന്നതായി നിരവധി പരാതികളാണ് പോലീസിന് ലഭിച്ചതെന്ന് നടപടിക്ക് നേതൃത്വം നല്‍കിയ കാസര്‍കോട് ടൗണ്‍ സി ഐ അബ്ദുര്‍ റഹിം കാസര്‍കോട് വാര്‍ത്തയോട് പറഞ്ഞു.


പല തവണ വാണിംഗ് നല്‍കിയിട്ടും യുവാക്കള്‍ റോഡരികില്‍ വാഹനങ്ങളിലെത്തി കേന്ദ്രീകരിക്കുന്നത് ക്രമസമാധാന പ്രശ്‌നങ്ങളിലേക്ക് നീങ്ങാതിരിക്കാനും ജനങ്ങളുടെ സഞ്ചാരത്തിന് തടസ്സം സൃഷ്ടിക്കാതിരിക്കാനുമാണ് യുവാക്കളെ ലാത്തിവീശി വിരട്ടിയോടിച്ചത്. നടപടിയെ നാട്ടുകാര്‍ അഭിനന്ദിച്ചതായും പോലീസ് പറഞ്ഞു.