കൊലക്കേസടക്കം നിരവധി കേസുകളില്‍ പ്രതിയായ യുവാവിന് ഇപ്പോള്‍ ജോലി മദ്യവില്‍പന; പോലീസിനെ കണ്ട് ഓടിരക്ഷപ്പെട്ടു

By Web Desk - MainNov 7, 2019, 12:24 IST

കാസര്‍കോട്: (www.kasargodvartha.com 07.11.2019) കൊലക്കേസടക്കം നിരവധി കേസുകളില്‍ പ്രതിയായ യുവാവിന് ഇപ്പോള്‍ ജോലി മദ്യവില്‍പന. വിവരമറിഞ്ഞെത്തിയ പോലീസിനെ കണ്ട് യുവാവ് ഓടിരക്ഷപ്പെട്ടതായി പോലീസ് അറിയിച്ചു. കേളുഗുഡ്ഡെയിലെ അജ്ജു എന്ന കെ അജിത്ത് കുമാര്‍ (29) ആണ് ഓടിരക്ഷപ്പെട്ടത്.

കേളുഗുഡ്ഡെയിലെ ഗ്രൗണ്ടിന് സമീപം വെച്ച് മദ്യവില്‍പന നടക്കുന്നുവെന്ന് രഹസ്യവിവരം ലഭിച്ചെത്തിയ പോലീസ് സ്ഥലത്തു നിന്നും 180 മില്ലിയുടെ 89 കുപ്പി മദ്യം പിടികൂടി. യുവാവിനെ കണ്ടെത്താന്‍ അന്വേഷണം നടത്തിവരുന്നതായി പോലീസ് അറിയിച്ചു.