നീലേശ്വരം പള്ളിക്കരയില്‍ തീവണ്ടി ത­ട്ടി മരിച്ചയാളെ തിരിച്ചറിഞ്ഞു

T.V Surendran

നീലേശ്വരം: നീലേശ്വരം പള്ളിക്കരയില്‍ തീവണ്ടി ത­ട്ടി മ­രിച്ചത് ഭീമനടി സ്വദേശിയായ മരമില്‍ തൊഴിലാളിയാണെന്ന് തെളിഞ്ഞു. ഭീമനടി പ്ലാച്ചിക്കരയിലെ പരേതനായ നാരായണന്‍ മണിയാണിയുടെ മകന്‍ നെല്ലിയടുക്കത്തെ ടി വി സുരേന്ദ്രനാ (52) ണ് തീവണ്ടി  ത­ട്ടി മ­രിച്ച നി­ല­യില്‍ ക­ണ്ടെ­ത്തി­യ­തെന്ന് ബുധനാഴ്ച പോലീസ് തിരിച്ചറിഞ്ഞു.

കുറച്ച് ദിവസം മുമ്പ് അസുഖത്തെ തുടര്‍ന്ന് സഹോദരി രാധയെ പരിയാരം മെഡിക്കല്‍ കോളേജില്‍ പ്രവേശിപ്പിച്ചിരുന്നു. സുരേന്ദ്രനാണ് രാധയെ ആശുപത്രിയില്‍ പരിചരിക്കാനുണ്ടായത്. ഇതിനിടയില്‍ രാധക്ക് ഹൃദയ സംബന്ധമായ അസുഖമുണ്ടെന്ന് മനസിലാക്കിയ സുരേന്ദ്രന്‍ പിന്നീട് ഏറെ അസ്വസ്ഥനായിരുന്നു.

T.V Radha

സെപ്തംബര്‍ 24ന് രാവിലെ സുരേന്ദ്രന്‍ പരിയാരം മെഡിക്കല്‍ കോളേജാശുപത്രിയില്‍ നിന്ന് നീലേശ്വരത്ത് തിരിച്ചെത്തിയ ശേഷമാണ് തീവണ്ടി  ത­ട്ടി മ­രിച്ച നി­ല­യില്‍  ക­ണ്ടെ­ത്തി­യ­ത്. സഹോദരന്റെ മരണ വിവരം രാധ അറിഞ്ഞിരുന്നില്ല. ആശുപത്രി ചികിത്സക്കിടെ രാധ ചൊവ്വാഴ്ച മരണപ്പെട്ടു. സംസ്‌കാര ചടങ്ങുകള്‍ കഴിഞ്ഞതിന് ശേഷമാണ് നീലേശ്വരത്ത് തീവണ്ടി തട്ടി മരിച്ച അജ്ഞാതന്‍ സുരേന്ദ്രനാണെന്ന സൂചന പുറത്ത് വന്നത്.


ആദ്യം മരിച്ചയാളെ പോലീസ് തിരിച്ചറിഞ്ഞിരുന്നില്ല. പിന്നീട് മക്കളും മറ്റ് ബന്ധുക്കളുമെത്തി വസ്ത്രങ്ങള്‍ പരിശോധിച്ചപ്പോഴാണ് അജ്ഞാത മൃതദേഹം സുരേന്ദ്രന്റേതാണെന്ന് തിരിച്ചറിഞ്ഞത്.