മകളെ ബലാത്സംഗം ചെയ്ത കേസില് പിതാവിനെതിരെ കുറ്റപത്രം സമര്പ്പിച്ചു
Jun 4, 2012, 14:55 IST
11 കാരിയായ മകളെ മുനീര് ഭീഷണിപ്പെടുത്തി ലൈംഗികമായി പീഡിപ്പിച്ചുവെന്നാണ് കേസ്. 2011 ഒക്ടോബര് 13 നും അതിന് മുമ്പുള്ള ദിവസങ്ങളിലുമാണ് പെണ്കുട്ടിയെ മുനീര് പീഡിപ്പിച്ചത്. 13 ന് രാവിലെ ഒമ്പത് മണിക്ക് ഒരുവയസുള്ള മകള്ക്ക് അസുഖമായതിനെതുടര്ന്ന് മാതാവ് കോട്ടിക്കുളത്തെ വൈദ്യരെ കാണിക്കാന് കൊണ്ടുപോയിരുന്നു. ഈസമയം ആറാംതരത്തില് പഠിക്കുന്ന മകനെ സ്കൂളില് പോകുന്നതിന് മുമ്പ് അടുത്തുള്ള കടയിലേക്ക് ബീഡി വാങ്ങാന് പറഞ്ഞയച്ച മുനീര് മകളെ ബലമായി കീഴ്പ്പെടുത്തുകയും ലൈംഗിക പീഡനത്തിന് ഇരയാക്കുകയുമായിരുന്നു. ഇക്കാര്യം ആരൊടെങ്കിലും പറഞ്ഞാല് കൊന്നുകളയുമെന്ന് മുനീര് പെണ്കുട്ടിയെ ഭീഷണിപ്പെടുത്തുകയുംചെയ്തു. വയറുവേദനയും മൂത്രതടസവും അനുഭവപ്പെട്ട പെണ്കുട്ടി മാതാവ് കാര്യമന്വേഷിച്ചപ്പോഴാണ് പിതാവ് തന്നെ പീഡിപ്പിച്ച വിവരം പുറത്തുവിട്ടത്.
ഇതിന് മുമ്പ് വീടിന് അല്പ്പം അകലെയുള്ള കാട്ടിലേക്ക് തട്ടിക്കൊണ്ടുപോയി മുനീര് തന്നെ ബലാത്സംഗം ചെയ്ത കാര്യവും പെണ്കുട്ടി മാതാവിനെ അറിയിച്ചു. ഉമ്മൂമ്മയുടെ വീട്ടില്വെച്ചും മറ്റാരുമില്ലാത്ത സമയത്ത് മുനീര് പെണ്കുട്ടിയെ പീഡിപ്പിച്ചിരുന്നു. കൊല്ലുമെന്ന് ഭീഷണിപ്പെടുത്തിയതിനാലാണ് നേരത്തെ രണ്ടുതവണ പീഡിപ്പിക്കപ്പെട്ടപ്പോഴും പെണ്കുട്ടി ഇക്കാര്യം ആരെയും അറിയിക്കാതിരുന്നത്. പെണ്കുട്ടിയെയുംകൊണ്ട് മാതാവ് ബേക്കല് പോലീസ് സ്റ്റേഷനിലെത്തുകയും മുനീറിനെതിരെ പരാതി നല്കുകയുമായിരുന്നു. ഇതെതുടര്ന്ന് കേസെടുത്ത പോലീസ് മുനീറിനെ പിന്നീട് അറസ്റ്റ് ചെയ്യുകയാണുണ്ടായത്.
Keywords: Daughter Molestation case, Uduma, Police enquiry report, Submit, court, Hosdurg, Kanhangad, Kasaragod
