'എന്നും സാധാരണക്കാരനോടൊപ്പം, നീതി നടപ്പാക്കാന്‍ മുഖം നോക്കാതെ നടപടി'; കാഞ്ഞങ്ങാട് ഡിവൈഎസ്പിയായി പി.കെ സുധാകരന്‍ ചുമതലയേറ്റെടുത്തു

By Web Desk - MainJun 14, 2018, 21:44 IST

കാഞ്ഞങ്ങാട്: (www.kasargodvartha.com 14.06.2018) മണല്‍കടത്ത്, ഒറ്റനമ്പര്‍ ചൂതാട്ടം, ഗുണ്ട-ക്രിമിനല്‍ മാഫിയകള്‍ക്കെതിരെ മുഖം നോക്കാതെ നടപടി എടുക്കുമെന്ന് കാഞ്ഞങ്ങാട് ഡിവൈഎസ്പിയായി ചുമതലയേറ്റ പി കെ സുധാകരന്‍ പറഞ്ഞു. കാഞ്ഞങ്ങാട് സബ് ഡിവിഷന്‍ പരിധിയില്‍ ക്രമസമാധാനം ഉറപ്പാക്കുമെന്നും അദ്ദേഹം അറിയിച്ചു.

സാധാരണക്കാര്‍ക്ക് നീതി ലഭ്യമാക്കാന്‍ എല്ലാ നടപടികളും കൈക്കൊള്ളും. സാധാരണക്കാരുടെ പരാതികള്‍ അനുഭാവപൂര്‍വ്വം പരിഗണിക്കും. നീതി നടപ്പാക്കുന്നതിന് മുഖം നോക്കാതെ നടപടി എടുക്കുമെന്നും അദ്ദേഹം പറഞ്ഞു. വ്യാഴാഴ്ച രാവിലെ സ്ഥാനമൊഴിയുന്ന ഡിവൈഎസ്പി കെ ദാമോദരനില്‍ നിന്നും പി കെ സുധാകരന്‍ ചുമതല ഏറ്റെടുത്തു.