പെരിയ ഇരട്ടക്കൊല: പ്രതികളുടെ ജാമ്യാപേക്ഷ തള്ളിക്കൊണ്ട് കേസ് നടപടികള്‍ ജില്ലാ കോടതി അവസാനിപ്പിച്ചു, ഇനി വിചാരണയടക്കമുള്ള തുടര്‍നടപടികള്‍ എറണാകുളം സി ബി ഐ കോടതിയില്‍

By Web Desk - MainNov 1, 2019, 15:36 IST

കാസര്‍കോട്: (www.kasargodvartha.com 1.11.2019) പെരിയ കല്യോട്ടെ യൂത്ത് കോണ്‍ഗ്രസ് പ്രവര്‍ത്തകരായ കൃപേഷ്, ശരത്ത് ലാല്‍ എന്നിവരെ കൊലപ്പെടുത്തിയ കേസിന്റെ തുടര്‍ നടപടികള്‍ ജില്ലാ പ്രിന്‍സിപ്പല്‍ സെഷന്‍സ് കോടതി അവസാനിപ്പിച്ചു. ഹൈക്കോടതിയുടെ നിര്‍ദേശ പ്രകാരം സി ബി ഐ കേസ് ഏറ്റെടുത്തതോടെ കുറ്റപത്രം അടക്കമുള്ള ഫയലുകള്‍ അന്വേഷണ സംഘത്തിന് കൈമാറിയ സാഹചര്യത്തിലാണ് പ്രതികളുടെ ജാമ്യാപേക്ഷ തള്ളിക്കൊണ്ട് തുടര്‍നടപടികളെല്ലാം ജില്ലാ കോടതി അവസാനിപ്പിച്ചത്. ഇനി കേസിന്റെ വിചാരണയടക്കമുള്ള കാര്യങ്ങള്‍ എറണാകുളം സി ബി ഐ കോടതിയില്‍ നടക്കും.

കേസിലെ പ്രതികളായ സി പി എം മുന്‍ പെരിയ ലോക്കല്‍ കമ്മിറ്റിയംഗം എ പീതാംബരന്‍, സജി ജോര്‍ജ്, കെ എം സുരേഷ്, കെ അനില്‍ കുമാര്‍, അശ്വിന്‍ എന്ന അപ്പു, ആര്‍ ശ്രീരാഗ്, ജി ഗിജിന്‍, പ്രദീപ്, സുബീഷ്, മുരളി, മണി എന്നിവരാണ് ജില്ലാ കോടതിയില്‍ ജാമ്യാപേക്ഷ നല്‍കിയിരുന്നത്.