പട്ട്ള യൂത്ത് ഫോറം മെമ്പര്‍ഷിപ്പ് ക്യാംപയിന്‍ തുടങ്ങി

By Web Desk AhnMay 19, 2017, 09:36 IST

പട്ട്ള (www.kasargodvartha.com 19.05.2017) 'സേവനമാണ് ജീവിതം' എന്ന ശീര്‍ഷകത്തില്‍ പട്ട്ള യൂത്ത് ഫോറത്തിന്റെ മെമ്പര്‍ഷിപ്പ് ക്യാംപയിനും സ്റ്റുഡന്‍സ് വിംഗ് രൂപീകരണത്തിന്റെ ഉദ്ഘാടനവും നടന്നു. യുവ കവി സാന്‍ മാവിലയ്ക്ക് യൂത്ത് ഫോറം പ്രതിനിധി ജാസിര്‍ മെമ്പര്‍ഷിപ്പ് ഫോം നല്‍കി ഉദ്ഘാടനം ചെയ്തു.

ഈസ, ഷെഫീഖ് പട്ട്ള ലത്വീഫ്, ബാസിത്ത് സബാഹ്, അനസ്, നിഹാല്‍, സമീഹ് തുടങ്ങിയവര്‍ സംബന്ധിച്ചു. ക്യാംപയിനിന്റെ ഭാഗമായി പട്ട്ള ലൈബ്രറി പരിസരം വൃത്തിയാക്കി. സ്റ്റുഡന്‍സ് വിംഗിന്റെ ഭാഗമാവാന്‍ താല്‍പര്യമുള്ളവര്‍ 9895310455, 9745300995 എന്നീ നമ്പറുകളില്‍ ബന്ധപ്പെടണമെന്ന് സംഘാടകര്‍ അറിയിച്ചു.