റെയില്‍വേ സ്‌റ്റേഷന്‍ ടിക്കറ്റ് കൗണ്ടറില്‍ യാത്രക്കാരന്റെ പോക്കറ്റടിച്ചു

കാസര്‍കോട്: ട്രെയിന്‍ യാത്രയ്ക്ക് ടിക്കറ്റെടുക്കുന്നതിനിടയില്‍ കോഴിക്കോടു സ്വദേശിയുടെ പോക്കറ്റടിച്ചു. കാസര്‍കോട് റയില്‍വേ സ്‌റ്റേഷന്‍ ടിക്കറ്റ് കൗണ്ടറില്‍ വെള്ളിയാഴ്ചയാണ് സംഭവം. കോഴിക്കോട് എരഞ്ഞിപ്പാലം സ്വദേശിയുടെ 1,200 രൂപയാണ് മോഷണം പോയത്. സംഭവവുമായി ബന്ധപ്പെട്ട് അന്യ സംസ്ഥാന തൊഴിലാളികളായ നാലുപേരെ റെയില്‍വേ പോലീസ് കസ്റ്റഡിയിലെടുത്തു.

വെള്ളിയാഴ്ച വൈകുന്നേരം 3.10 ന് മംഗലാപുരത്തു നിന്നും വരുന്ന തിരുവനന്തപുരം എക്‌സ്പ്രസില്‍ യാത്രചെയ്യാനുള്ള ടിക്കറ്റെടുക്കുന്നതിനിടയിലാണ് മോഷണം നടന്നത്. ടിക്കറ്റെടുത്ത് പണമെടുക്കാന്‍ നോക്കിയപ്പോഴാണ് പേഴ്‌സ് മോഷണം പോയതറിയുന്നത്.

ഉടന്‍ റെയില്‍വേ പോലീസില്‍ വിവരമറിയിച്ചു.

ഇതിനിടയില്‍ അവിടെ സംശയാസ്പദമായ നിലയില്‍ കണ്ട അന്യ സംസ്ഥാന തൊഴിലാളികളെയാണ് പോലീസ് കസ്റ്റഡിയിലെടുത്തത്. ഇതില്‍ ഒരാളെ പരിശോധിച്ചപ്പോള്‍ മഞ്ചേശ്വരം സ്വദേശിയുടെ പഴ്‌സ് കണ്ടെത്തുകയുണ്ടായി. ഇത് മോഷ്ടിച്ചതാണെന്ന് കരുതുന്നു. എന്നാല്‍ കോഴിക്കോട് സ്വദേശിയുടെ കാണാതായ പഴ്‌സ് കണ്ടെത്താന്‍ കഴിഞ്ഞില്ല.

Keywords:  Kasaragod, Railway station, Robbery, Railway Police, Complaint, Kerala, Kozhikode, Ticket, Case, Purse, Passenger pick pocketed in railway station, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more.