ഇശൽ ഗ്രാമത്തിൽ പക്ഷിപ്പാട്ടിന്റെ നൂറാം വാർഷികം: സാഹിത്യ സെമിനാറും കലാസന്ധ്യയും സംഘടിപ്പിച്ചു

കാസർകോട്: (KasargodVartha) ഇശൽ ഗ്രാമമെന്നറിയപ്പെടുന്ന മൊഗ്രാലിലെ പ്രശസ്ത കവി നടത്തോപ്പിൽ അബ്ദുല്ല രചിച്ച പക്ഷിപ്പാട്ടിന്റെ നൂറാം വാർഷികം വിപുലമായ പരിപാടികളോടെ ആഘോഷിച്ചു. കാസർകോടും മൊഗ്രാലിലുമായി നടന്ന സാഹിത്യ സെമിനാറും കലാസന്ധ്യയും സാംസ്കാരിക കേരളത്തിന്റെ ശ്രദ്ധയാകർഷിച്ചു. 

കൊണ്ടോട്ടി മഹാകവി മോയിൻകുട്ടി വൈദ്യർ മാപ്പിള കലാ അക്കാദമിയുടെ ആഭിമുഖ്യത്തിൽ ഇശൽ ഗ്രാമം ട്രസ്റ്റ്-സ്കൂൾ ഓഫ് മാപ്പിള ആർട്സ് മൊഗ്രാൽ, പുരോഗമന കലാ സാഹിത്യ സംഘം കാസർകോട് എന്നിവയുടെ സഹകരണത്തോടെയാണ് ആഘോഷങ്ങൾ കൊണ്ടാടിയത്.

സാഹിത്യ സെമിനാർ

ആഘോഷങ്ങളുടെ ഭാഗമായി കാസർകോട് മുനിസിപ്പൽ വനിതാ ഭവനിൽ നടന്ന സാഹിത്യ സെമിനാർ നഗരസഭ ചെയർപേഴ്സൺ ഷാഹിന സലീം ഉദ്ഘാടനം ചെയ്തു. അക്കാദമി നിർവാഹക സമിതി അംഗം ഡോ: ഷംഷാദ് ഹുസൈൻ അധ്യക്ഷത വഹിച്ച ചടങ്ങിൽ പുരോഗമന കലാസാഹിത്യ സംഘം സെക്രട്ടറി രവീന്ദ്രൻ കൊടക്കാട് സ്വാഗതം ആശംസിച്ചു. അക്കാദമി സെക്രട്ടറി ബഷീർ ചുങ്കത്തറ ആമുഖ പ്രഭാഷണം നടത്തി.

സെമിനാറിൽ പക്ഷിപ്പാട്ടിന്റെ ഇതിവൃത്തത്തെക്കുറിച്ചും മലബാറിലെ മാപ്പിള കലകളെക്കുറിച്ചും ഗൗരവകരമായ ചർച്ചകൾ നടന്നു. ഫൈസൽ കന്മനം, ഡോ: പി പി അബ്ദുൽ റസാഖ്, ഡോ: അഭിലാഷ് മലയിൽ-അനീസ് കെ ടി, ഡോ: ഫാത്തിമത്ത് റംഷീല സി എച്ച്, മാധ്യമപ്രവർത്തകൻ ടി എ ഷാഫി, കവി പി എസ് ഹമീദ് എന്നിവർ വിവിധ വിഷയങ്ങളിൽ പ്രബന്ധങ്ങൾ അവതരിപ്പിച്ചു. അഷ്റഫ് പയ്യന്നൂർ, ടി കെ അൻവർ എന്നിവർ ഗാനങ്ങൾ ആലപിച്ചു. പ്രോഗ്രാം കമ്മിറ്റി ചെയർമാൻ സെഡ് എ മൊഗ്രാൽ സംസാരിച്ചു. സംഘാടക സമിതി ജനറൽ കൺവീനർ കെ എച്ച് അഹമ്മദ് നന്ദി പറഞ്ഞു.

സാംസ്കാരിക സമ്മേളനം

വൈകുന്നേരം മൊഗ്രാൽ സ്കൂൾ ഗ്രൗണ്ടിൽ നടന്ന സാംസ്കാരിക സമ്മേളനം സി എച്ച് കുഞ്ഞമ്പു എംഎൽഎ ഉദ്ഘാടനം ചെയ്തു. കുമ്പള ഗ്രാമപഞ്ചായത്ത് പ്രസിഡന്റും സംഘാടകസമിതി ചെയർമാനുമായ വി പി അബ്ദുൽ ഖാദർ ഹാജി അധ്യക്ഷത വഹിച്ചു. സംഘാടകസമിതി വർക്കിംഗ് ചെയർമാൻ കെ എം മുഹമ്മദ് മൊഗ്രാൽ സ്വാഗതം പറഞ്ഞു. അക്കാദമി സെക്രട്ടറി ബഷീർ ചുങ്കത്തറ, ജോയിന്റ് സെക്രട്ടറി ഫൈസൽ എളേറ്റിൽ എന്നിവർ പ്രഭാഷണം നടത്തി.

സ്കൂൾ ഹെഡ്മാസ്റ്റർ ജെ ജയറാം, പിടിഎ പ്രസിഡന്റ് ലത്തീഫ് കൊപ്പളം, മാധ്യമപ്രവർത്തകൻ ടി എ ഷാഫി, താജുദ്ദീൻ മൊഗ്രാൽ, എം പി അബ്ദുൽ ഖാദർ, ബി കെ കബീർ എന്നിവർ ആശംസകൾ നേർന്നു. സെഡ് എ മൊഗ്രാൽ ചടങ്ങുകൾ നിയന്ത്രിച്ചു. കലാരംഗത്ത് മികച്ച സംഭാവനകൾ അർപ്പിച്ച 21 പ്രതിഭകളെ ചടങ്ങിൽ വെച്ച് ആദരിച്ചു.

ഇശൽ മഴ പെയ്ത കലാസന്ധ്യ

സമ്മേളനത്തിന് ശേഷം പ്രഗൽഭരായ കലാകാരന്മാർ അണിനിരന്ന കലാസന്ധ്യ അരങ്ങേറി. അക്കാദമി വൈസ് ചെയർമാൻ പുലിക്കോട്ടിൽ ഹൈദരലി കലാസന്ധ്യ ഉദ്ഘാടനം ചെയ്തു. തനിമയാർന്ന മാപ്പിളപ്പാട്ടുകൾക്ക് പുറമെ വിവിധ ടീമുകൾ അവതരിപ്പിച്ച ഒപ്പന, അർബന മുട്ട് എന്നിവ പരിപാടിക്ക് മാറ്റുകൂട്ടി. ഇശൽ ഗ്രാമം ട്രസ്റ്റ്-സ്കൂൾ ഓഫ് മാപ്പിള ആർട്സ് ചെയർമാൻ ബഷീർ അഹമ്മദ് സിദ്ദീഖ് നന്ദി രേഖപ്പെടുത്തി.

ആദരിക്കപ്പെട്ടവർ

എം വി ഉദ്ദേശ്കുമാർ, പി എസ് ഹമീദ് കാസർകോട്, മുദ് രിക്കത്ത് കോട്ടപ്പുറം, എസ് കെ ഇഖ്ബാൽ മൊഗ്രാൽ, മുനീർ തലശ്ശേരി, ഹനീഫ് പാനൂർ, ജാബിർ പാലത്തുങ്കര, ഹമീദ് കോളിയടുക്കം, സുബൈദ, ഫാത്തിമ തൃക്കരിപ്പൂർ, ഇ എം ഇബ്രാഹിം മൊഗ്രാൽ, അബ്ദുൽ ഖാദർ വിൽ റോഡി, ദിവ്യ കാഞ്ഞങ്ങാട്, അസീസ് പുലിക്കുന്ന്, അബ്ദുല്ല ചാല, മുഹമ്മദ് കുഞ്ഞി മൈമൂൺ നഗർ മൊഗ്രാൽ, അഷ്റഫ് പയ്യന്നൂർ, ഹാരിസ് തളിപ്പറമ്പ്, ജുനൈദ് മെട്ടമ്മൽ, നാസർ പറശ്ശിനി, കെ എച്ച് മുഹമ്മദ് നായന്മാർമൂല എന്നിവരെയാണ് ആദരിച്ചത്.

പുതിയ വാർത്തകൾ സമയബന്ധിതമായി അറിയാൻ ഞങ്ങളുടെ വാട്സ്ആപ്പ് ചാനൽ ഫോളോ ചെയ്യുക. പുതിയ അപ്‌ഡേറ്റുകൾ ഉടൻ ലഭിക്കാൻ ഞങ്ങളുടെ ഫേസ്ബുക്ക് പേജ് ഫോളോ ചെയ്യുക. ഈ വാർത്ത സുഹൃത്തുകൾക്കും കുടുംബാംഗങ്ങൾക്കും വാട്സ്ആപ്പ് ഗ്രൂപ്പുകളിലും ഷെയർ ചെയ്യൂ. അഭിപ്രായം കമന്റായി രേഖപ്പെടുത്താനും മറക്കരുത്.

Article Summary: The 100th anniversary of 'Pakshippattu,' authored by poet Nadathoppil Abdulla, was celebrated with a literary seminar and cultural evening in Kasaragod and Mogral.

#Pakshippattu #Mogral #Kasaragod #MappilaArts #CulturalEvent #KeralaLiterature