മൊഗ്രാല്‍പുത്തൂര്‍ ദുരിതബാധിതരുടെ ആവശ്യങ്ങള്‍ പരിഗണിക്കും: എം.പി
Sep 13, 2012, 21:47 IST
അടുത്തയാഴ്ച മുഖ്യമന്ത്രിയെ നേരിട്ട് കണ്ട് പശ്‌നങ്ങള്‍ ശ്രദ്ധയില്‍പെടുത്തുമെന്നും എം.പി. കൂട്ടിച്ചേര്‍ത്തു. എം.പി. ഫണ്ടില്‍ നിന്നും പ്രത്യേക പദ്ധതികള്‍ മൊഗ്രാല്‍പുത്തൂരില്‍ നടപ്പിലാക്കും. മൊഗ്രാല്‍പുത്തൂര്‍ പി.എച്ച്.സിയില്‍ കൂടുതല്‍ ഡോക്ടര്‍മാരെ നിയമിച്ച് സി.എച്ച്.സി. ആയി ഉയര്‍ത്തണം. എന്‍ഡോസള്‍ഫാന്‍ മേഖലയെക്കാള്‍ ഗൗരവമായ പ്രശ്‌നമാണ് മൊഗ്രാല്‍പുത്തൂരിലേതെന്ന് എം.പി. പറഞ്ഞു. പരിയാരം, കോഴിക്കോട്, മണിപ്പാല്‍ എന്നിവിടങ്ങളിലെ വിദഗ്ദ്ധസംഘം മൊഗ്രാല്‍പുത്തൂരില്‍ സന്ദര്‍ശിക്കണമെന്നും അദ്ദേഹം ആവശ്യപ്പെട്ടു.
ബ്ലോക്ക് പഞ്ചായത്ത് പ്രസിഡന്റ് മുംതാസ് ശുക്കൂര്‍, പഞ്ചയാത്ത് പ്രസിഡന്റ് നജ്മ അബ്ദുല്‍ ഖാദര്‍, വൈസ് പ്രസിഡന്റ് ഗഫൂര്‍ ചേരങ്കൈ, സ്റ്റാന്‍ഡിംഗ് കമ്മിറ്റി ചെയര്‍മാന്‍മാരായ സുഹ്‌റ കരീം, എസ്.എം. റഫീഖ് ഹാജി, മെഡിക്കല്‍ ഓഫീസര്‍ ഡോ. സി.എം. കായിഞ്ഞി, പഞ്ചായത്ത് അംഗങ്ങളായ ഉമേഷ് കടപ്പുറം, മുജീബ് കമ്പാര്‍, ഉദയാനന്ത, ഉസ്മാന്‍ കല്ലങ്കൈ, ഹെല്‍ത്ത് ഇസ്‌പെക്ടര്‍ ജോയി, പഞ്ചായത്ത് സെക്രട്ടറി എസ്. കണ്ണന്‍ നായര്‍, എ.ബി. കുഞ്ഞാമു, സി. രാമകൃഷ്ണന്‍ മാസറ്റര്‍, മാഹിന്‍കുന്നില്‍ എന്നിവര്‍ എം.പിയോടൊപ്പം ഉണ്ടായിരുന്നു. കുന്നില്‍, എടച്ചേരി, കമ്പാര്‍ തുടങ്ങിയ സ്ഥലങ്ങളിലെ ദുരിതബാധിതരെ അദ്ദേഹം സന്ദര്‍ശിച്ചു.
നേരത്തെ മന്ത്രിമാരായ പി.കെ. അബ്ദുര്‍ റബ്ബ്, എം.കെ. മുനീര്‍, ജില്ലാ കലക്ടറായിരുന്ന വി.എം. ജിതേന്ദ്രന്‍, എന്‍.എ. നെല്ലിക്കുന്ന് എം.എല്‍.എ. എന്നിവര്‍ ദുരിതബാധിതരെ സന്ദര്‍ശിച്ചിരുന്നു. സംസ്ഥാന സര്‍ക്കാറിന്റെ നിര്‍ദേശത്തെ തുടര്‍ന്ന് ജില്ലാ ആരോഗ്യവകുപ്പ് അധികൃതരുടെ നേതൃത്വത്തില്‍ പഞ്ചായത്ത് തലത്തില്‍ വിപുലമായ സര്‍വെ നടത്തിവരികയാണ്. വെള്ളായാഴ്ച വൈകിട്ട് മൂന്ന് മണിക്ക് പുതിയ ജില്ലാ കളക്ടര്‍ മുഹമ്മദ് സഗീറും, എന്‍.എ. നെല്ലിക്കുന്ന് എം.എല്‍.എ.യും സന്ദര്‍ശിക്കും.
Keywords: Kasaragod, Mogral puthur, MP, P.Karunakaran-MP, Endosulfan, Oommen Chandy, MLA, Kerala
Tags
Share this story
