പോലീസിനെ വെട്ടിച്ച് മരണപ്പാച്ചില്‍ നടത്തുകയായിരുന്ന മണല്‍ ലോറി വൈദ്യുതി തൂണിലിടിച്ചു

By Web Desk SNDec 20, 2017, 22:19 IST

കുമ്പള: (www.kasargodvartha.com 20.12.2017) പോലീസിനെ വെട്ടിച്ച് മരണപ്പാച്ചില്‍ നടത്തുകയായിരുന്ന മണല്‍ ലോറി വൈദ്യുതി തൂണിലിടിച്ചു. തുടര്‍ന്ന് ലോറി നിര്‍ത്താതെ ഓടിച്ചുപോയി. ബുധനാഴ്ച പുലര്‍ച്ചെ അഞ്ചര മണിയോടെ കുമ്പള ശാന്തിപ്പള്ളത്ത് വെച്ചാണ് മണല്‍ കടത്ത് ലോറി അമിതവേഗതയില്‍ ഓടിച്ച് പോകുന്നതിനിടെ വൈദ്യുതി തൂണിലിടിച്ചത്.

കര്‍ണാടകയില്‍ നിന്ന് മണല്‍ കടത്തിവരികയായിരുന്ന ലോറി പോലീസ് പരിശോധന നടത്തുന്നുണ്ടെന്നറിഞ്ഞതോടെ അമിതവേഗതയില്‍ പോവുകയായിരുന്നു. പിന്നീട് പോലീസ് നടത്തിയ പരിശോധനക്കിടെ കുമ്പള ശാന്തിപ്പള്ളക്ക് സമീപത്തെ ഒരു ഇടുങ്ങിയ സ്ഥലത്തുനിന്നും രണ്ട്് മണല്‍ലോറികള്‍ പിടികൂടി.