കീരിയുടെ ആക്രമണത്തില്‍ ഒന്നരവയസുകാരന് പരിക്ക്

By Web Desk - MainFeb 15, 2018, 09:57 IST

കാഞ്ഞങ്ങാട്: (www.kasargodvartha.com 15.02.2018) കീരിയുടെ കടിയേറ്റ് പിഞ്ചുകുഞ്ഞിന് ഗുരുതരമായി പരിക്കേറ്റു. പുഞ്ചാവിയിലെ അനീഷിന്റെ ഒന്നരവയസുള്ള മകന്‍ നിതുന്‍ കൃഷ്ണനാണ് കീരിയുടെ കടിയേറ്റത്. വീട്ടുമുറ്റത്ത് ഇരിക്കുകയായിരുന്ന കുഞ്ഞിന്റെ മുഖത്താണ് കീരിയുടെ കടിയേറ്റത്.

ഉടന്‍ കാഞ്ഞങ്ങാട്ടെ സ്വകാര്യ ആശുപത്രയിലെത്തിച്ചുവെങ്കിലും നില ഗുരുതരമായതിനാല്‍ മംഗളൂരു കസ്തൂര്‍ബ മെഡിക്കല്‍ കോളേജ് ആശുപത്രിയിലേക്ക് മാറ്റുകയായിരുന്നു. കുട്ടി തീവ്രപരിചരണ വിഭാഗത്തില്‍ ചികിത്സയിലാണ്.