മണല്‍ കടത്ത് പിടികൂടാന്‍ വേഷപ്രച്ഛന്നരായി എത്തിയ പോലീസ് സംഘത്തെ കണ്ട് കുപ്രസിദ്ധ കുറ്റവാളി ഓണന്ത ലത്തീഫും സംഘവും മണലും ലോറിയും ഉപേക്ഷിച്ച് രക്ഷപ്പെട്ടു

By Web Desk SreApr 25, 2018, 15:56 IST

കുമ്പള: (www.kasargodvartha.com 25.04.2018) മണല്‍ കടത്ത് പിടികൂടാന്‍ വേഷപ്രച്ഛന്നരായി എത്തിയ പോലീസ് സംഘത്തെ കണ്ട് കുപ്രസിദ്ധ കുറ്റവാളി ഓണന്ത ലത്തീഫും സംഘവും മണലും ലോറിയും ഉപേക്ഷിച്ച് രക്ഷപ്പെട്ടു. കുമ്പള ഉളുവാര്‍ പുഴയില്‍ നിന്നും കടത്താന്‍ ശ്രമിച്ച മണലും ലോറിയുമാണ് കുമ്പള സര്‍ക്കിള്‍ ഇന്‍സ്‌പെക്ടര്‍ പ്രേംസദനും സബ് ഇന്‍സ്‌പെക്ടര്‍ ശിവദാസനും പ്രച്ഛന്നവേഷത്തില്‍ അതിസാഹസികമായി പിടികൂടിയത്.

ഓണന്ത ലത്തീഫ് പിടികൊടുക്കാതെ ഓടിരക്ഷപ്പെട്ടു. ലത്തീഫിനെതിരെ കേസെടുത്ത പോലീസ് പ്രതിയെ പിടികൂടുന്നതിനായി അന്വേഷണം ആരംഭിച്ചു.