ചില്‍ഡ്രന്‍സ് ഹോമിലെ കുട്ടികള്‍ക്ക് ഏഷ്യാനെറ്റ് ന്യൂസും എല്‍ജിയും ഓണസമ്മാനവുമായെത്തി

കാസര്‍കോട്: (www.kasargodvartha.com 30.08.2017) ചില്‍ഡ്രന്‍സ് ഹോമിലെ കുട്ടികള്‍ക്ക് ഏഷ്യാനെറ്റ് ന്യൂസും എല്‍ജിയും ഓണസമ്മാനവുമായെത്തി. വാഷിംഗ് മെഷീന്‍, എല്‍.ഇ.ഡി ടിവി, എ.സി, ഗ്രൈന്‍ഡര്‍ അടക്കമുള്ള ഓണ സമ്മാനവുമായാണ് പരവനടുക്കത്തെ സ്‌പെഷ്യല്‍ ചില്‍ഡ്രന്‍സ് ഹോമില്‍ ഏഷ്യാനെറ്റ് ന്യൂസും എല്‍ ജി ടീമുമെത്തിയത്. ഏഷ്യാനെറ്റ് ന്യൂസും എല്‍ജിയും സംയുക്തമായി നടപ്പിലാക്കുന്ന സാമൂഹിക പ്രതിബദ്ധതാ പദ്ധതിയുടെ ഭാഗമായാണ് ഉപകരണങ്ങള്‍ നല്‍കിയത്.

പി. കരുണാകരന്‍ എം പി ഉപകരണങ്ങളുടെ വിതരണം നിര്‍വ്വഹിച്ചു. പരിമിതികള്‍ക്കിടയില്‍ നിന്നും പുതിയ ജീവിതം കണ്ടെത്തുന്ന കുട്ടികള്‍ക്ക് ഈ സംരംഭം ഏറെ ഉപകാരപ്പെടുമെന്ന് എംപി അഭിപ്രായപ്പെട്ടു. ചടങ്ങില്‍ ജില്ലാ പഞ്ചായത്ത് മെമ്പര്‍ ഷാനവാസ് പാദൂര്‍ അധ്യക്ഷത വഹിച്ചു. പ്രതീക്ഷിക്കാത്ത സമ്മാനങ്ങള്‍ ചില്‍ഡ്രന്‍സ് ഹോമിലെത്തിയപ്പോള്‍ അധികൃതര്‍ക്കും പറഞ്ഞറിയിക്കാനാവാത്ത സന്തോഷമാണുണ്ടാക്കിയത്.