ഓണം: എക്‌സൈസ് വകുപ്പ് സ്‌ക്വാഡുകള്‍ പ്രവര്‍ത്തനം തുടങ്ങി

കാസര്‍കോട്: (www.kasargodvartha.com 01/08/2015) ഓണാഘോഷത്തോടനുബന്ധിച്ച് ജില്ലയില്‍ അനധികൃത മദ്യം, സ്പിരിറ്റ്, വ്യാജചാരായം, മയക്കുമരുന്ന്, പാന്‍മസാല, എന്നിവയുടെ കടത്ത്, ഉപഭോഗം എന്നിവ തടയുന്നതിന് എക്‌സൈസ് വകുപ്പിന്റെ ആഭിമുഖ്യത്തില്‍ വിവിധ സ്‌ക്വാഡുകള്‍ പ്രവര്‍ത്തനമാരംഭിക്കും.

വനമേഖലയിലും  കോളനികളിലും  വ്യാജമദ്യ നിര്‍മ്മാണം തടയാന്‍ നിരീക്ഷണംശക്തമാക്കും. സ്ഥിരമായി മദ്യവില്‍പന നടത്തുന്നവര്‍ക്കെതിരെ  കര്‍ശന നടപടി  കൈക്കൊളളും.  വാഹനപരിശോധനയും രാത്രികാല പട്രോളിംഗും  ശക്തമാക്കും.  ചെക്ക് പോസ്റ്റുകളുടെ  പ്രവര്‍ത്തനം  കൂടുതല്‍ കാര്യക്ഷമമാക്കും.  വ്യാജമദ്യ ലോബികളുടെ  പ്രവര്‍ത്തനങ്ങളെ നിരീക്ഷിക്കുവാന്‍ ആഗസ്ത് മൂന്ന് മുതല്‍  സെപ്തംബര്‍ നാല് വരെ ജില്ലയില്‍ സ്‌പെഷ്യല്‍  ഡ്രൈവ് ആയി പ്രഖ്യാപിച്ച്  പ്രവര്‍ത്തനം നടത്തും.

വിശ്വസനീയമായ വിവരം ലഭിക്കുന്ന മുറയ്ക്ക് സ്‌ട്രൈക്കിംഗ്  പാര്‍ട്ടികള്‍  മിന്നല്‍ റെയ്ഡുകള്‍സംഘടിപ്പിക്കും.  വ്യാജചാരായം,  അനധികൃത മദ്യവില്‍പ്പന മായം ചേര്‍ത്ത കളള്, മയക്കുമരുന്നുകളുടെ ഉപയോഗം , വിപണനം എന്നിവയെക്കുറിച്ച് പൊതുജനങ്ങള്‍ക്ക്  വിവരം നല്‍കാം. കാസര്‍കോട് ഡെപ്യൂട്ടി എക്‌സൈസ്  കമ്മീഷണറുടെ ഓഫീസില്‍ 24 മണിക്കൂറും  കണ്‍ട്രോള്‍ റൂം ഈ കാലയളവില്‍ പ്രവര്‍ത്തിക്കും. കണ്‍ട്രോള്‍ റൂം ഫോണ്‍ നമ്പര്‍ 04994 256728,  വിവരം നല്‍കുന്നവരുടെ  പേരുകള്‍ രഹസ്യമായി സൂക്ഷിക്കും.

പൊതുജനങ്ങള്‍ക്ക്  വിവരങ്ങള്‍ അറിയിക്കാവുന്ന ഫോണ്‍നമ്പറുകള്‍ : ഡെപ്യൂട്ടി എക്‌സൈസ് കമ്മീഷണര്‍ കാസര്‍കോട്- 9447178066, അസി. എക്‌സൈസ്‌കമ്മീഷണര്‍ കാസര്‍കോട്- 9496002874, എക്‌സൈസ് സപെഷ്യല്‍ സ്‌ക്വാഡ് കാസര്‍കോട്- 04994 267060, എക്‌സൈസ് സര്‍ക്കിള്‍ ഓഫീസ് കാസര്‍കോട്- 04994 255332, എക്‌സൈസ് സര്‍ക്കിള്‍ ഓഫീസ് ഹോസ്ദുര്‍ഗ്ഗ്- 04672 204125,  എക്‌സൈസ് റെയിഞ്ച് ഓഫീസ് കാസര്‍കോട്- 04994 257541, എക്‌സൈസ്‌റെയിഞ്ച് ഓഫീസ് കുമ്പള- 04998 213837, എക്‌സൈസ് റെയിഞ്ച് ഓഫീസ് ബദിയടുക്ക- 04994 261950, എക്‌സൈസ് റെയിഞ്ച് ഓഫീസ് ബന്തടുക്ക- 04994 205364, എക്‌സൈസ് റെയിഞ്ച് ഓഫീസ് ഹോസ്ദുര്‍ഗ്ഗ്- 04672 204533, എക്‌സൈസ് റെയിഞ്ച് ഓഫീസ് നീലേശ്വരം- 04672 283174, എക്‌സൈസ് ചെക്ക് പോസ്റ്റ്, ബങ്കര മഞ്ചേശ്വരം- 04998 273800.