പള്ളി-മദ്രസകള്‍ ആക്രമിക്കുന്നത് ഭീരുത്വം: എന്‍.വൈ.എല്‍

കാസര്‍കോട്: പരിയാരം ഓണപ്പറമ്പില്‍ കാന്തപുരം സുന്നീ വിഭാഗത്തിന്റെ പള്ളിയും മദ്രസയും അടിച്ചു തകര്‍ത്ത് അധ്യാപകരെ ആക്രമിച്ചതിനു പിന്നില്‍ ഒരേസമയം മതസംഘടനാ പ്രവര്‍ത്തകരായും, ലീഗ് പ്രവര്‍ത്തകരായും പ്രവര്‍ത്തിക്കുന്നവരാണെന്ന് നാഷണല്‍ യൂത്ത് ലീഗ് ജില്ലാ ജനറല്‍ സെക്രട്ടറി സിദ്ദീഖ് ചേരങ്കൈ പ്രസ്താവനയില്‍ ആരോപിച്ചു.

ഏത് സംഘടനയായാലും അഭിപ്രായ വ്യത്യാസമുണ്ടായാല്‍ ഒരു വിഭാഗത്തിന്റെ ആരാധനാലയങ്ങള്‍ അടിച്ചു തകര്‍ക്കുന്നത് ഭീരുത്വമാണ്. സംഭവത്തില്‍ യൂത്ത്‌ലീഗ് പ്രവര്‍ത്തകര്‍ പിടിയിലായതും ലീഗ് നേതൃത്വം മൗനം പാലിക്കുന്നതും പ്രതിഷേധാര്‍ഹമാണെന്നും അഭിപ്രായപ്പെട്ടു. ലീഗ് അധ്യക്ഷന്‍ പാണക്കാട് ഹൈദരലി തങ്ങള്‍ സംഭവസ്ഥലം സന്ദര്‍ശിച്ച് നിലപാട് വ്യക്തമാക്കണമെന്നും സിദ്ദീഖ് ചേരങ്കൈ ആവശ്യപ്പെട്ടു.


Also Read: 
സിന്ധുരക്ഷക്: കത്തിക്കരിഞ്ഞ 6 മൃതദേഹങ്ങള്‍ കണ്ടെടുത്തു; അന്വേഷണത്തില്‍ റഷ്യയും പങ്കാളിയാകും