വൈദ്യുതി സെക്ഷന് ഓഫീസ് വിഭജനത്തിന് ഫണ്ടില്ലെന്ന് മന്ത്രി ആര്യാടന്‍
Sep 6, 2012, 17:02 IST
നെല്ലിക്കുന്ന് ഇലക്ട്രിക്കല്‍ സെക്ഷന് ഓഫീസില്‍ ആവശ്യത്തിന് ജീവനക്കാര്‍ ഇല്ലാത്തത് മൂലം ജനങ്ങളും ജീവനക്കാരും ഒരുപോലെ ദുരിതം അനുഭവിക്കുകയാണ്. 24,000 ത്തോളം ഉപഭോക്താക്കളാണ് ഈ സെക്ഷന് കീഴിലുള്ളത്.
ഒരു അസിസ്റ്റന്റ് എഞ്ചിനീയറാണ് നിലവിലുള്ളത്. സബ് എഞ്ചിനീയര്‍, ഓവര്‍സിയര്‍ എന്നിവര്‍ ആവശ്യത്തിനില്ല. 24 ലൈന്‍മാന്‍ വേണ്ടിടത്ത് 11 പേരാണുള്ളത്. 1000 ഉപഭോക്താക്കള്‍ക്ക് മിനിമം ഒരു ലൈന്‍മാന്‍ എങ്കിലും വേണ്ടിടത്താണ് ഈ സെക്ഷനില്‍ ലൈന്‍മാന്‍മാരുടെ പകുതിയോളം ഒഴിവുള്ളത്. ഈ സെക്ഷന് ഒരു ജീപ്പ് മാത്രമാണുള്ളത്. ജീപ്പ് എപ്പോഴും കട്ടപ്പുറത്താണ്. പതിറ്റാണ്ടുകള്‍ പഴക്കമുള്ള വാഹനമാണിത്. അത്‌കൊണ്ട് വൈദ്യുതി ദുരന്തമുണ്ടായാല്‍ മറ്റു വാഹനങ്ങളെ ആശ്രയിക്കേണ്ടിവരുന്നു.
മൊഗ്രാല്‍പുത്തൂര്‍ പഞ്ചായത്തും, മധൂര്‍ ഗ്രാമപഞ്ചായത്തും കാസര്‍കോട് നഗരസഭയിലെ ഭാഗിക പ്രദേശങ്ങളുമാണ് ഈ സെക്ഷന് കീഴില്‍ വരുന്നത്. നെല്ലിക്കുന്ന് വൈദ്യുതി സെക്ഷന് ഓഫീസ് രണ്ടായി വിഭജിക്കണമെന്നാവശ്യത്തിന് വര്‍ഷങ്ങളുടെ പഴക്കമുണ്ട്. 12,000 ത്തോളം ഉപഭോക്താക്കള്‍ വീതം രണ്ട് സെക്ഷനായി വിഭജിച്ചാല്‍ ജനങ്ങളുടെയും ജീവനക്കാരുടെയും ദുരിതങ്ങള്‍ക്ക് പരിഹാരമാകും. എന്നും വൈദ്യുതി പ്രശ്‌നങ്ങളുണ്ടാകുന്ന സെക്ഷന് കൂടിയാണിത്.
നെല്ലിക്കുന്ന് വൈദ്യുതി സെക്ഷന് ഓഫീസ് രണ്ടായി വിഭജിക്കുക, ആവശ്യത്തിന് ഉദ്യോഗസ്ഥന്മാരെയും ജീവനക്കാരെയും നിയമിക്കുക, പുതിയ വാഹനം എത്രയും വേഗത്തില്‍ അനുവദിക്കുക തുടങ്ങിയ ആവശ്യങ്ങള്‍ ഉന്നയിച്ച് യംഗ്ചാലഞ്ചേഴ്‌സ് ക്ലബ്, ഹീറോസ് ബള്ളൂര്‍ ക്ലബ് ഭാരവാഹികള്‍ വൈദ്യുതി വകുപ്പ് മന്ത്രി ആര്യാടന്‍ മുഹമ്മദിന് നിവേദനം നല്‍കി. സിഡ്‌കോ ചെയര്‍മാന്‍ സി.ടി. അഹമ്മദലി, കെ.പി.സി.സി മെമ്പര്‍ പി. ഗംഗാധരന്‍ നായര്‍ എന്നിവര്‍ മന്ത്രിയോടൊപ്പം ഉണ്ടായിരുന്നു.
Keywords: Kasaragod, Minister, Nellikunnu, Electricity, Office, Kerala, Aryadan Muhammed
Tags
Share this story
