ടിക്കറ്റ് നല്‍കാന്‍ ആളില്ല; പി.എസ്.സി. ഉദ്യോഗാര്‍ത്ഥികള്‍ റെയില്‍വേസ്‌റ്റേഷനില്‍ വലഞ്ഞു

By Desk DeltaNov 9, 2013, 11:37 IST

കാസര്‍കോട്: ശനിയാഴ്ച നടക്കുന്ന പി.എസ്.സി. പരീക്ഷ എഴുതാന്‍ പരീക്ഷാ കേന്ദ്രങ്ങളില്‍ പോകാനെത്തിയവര്‍ റെയില്‍വേ സ്‌റ്റേഷനില്‍ ടിക്കറ്റ് കിട്ടാതെ വലഞ്ഞു. നൂറുകണക്കിന് ഉദ്യോഗാര്‍ത്ഥികളാണ് രാവിലെതന്നെ കാസര്‍കോട് റെയില്‍വേ സ്‌റ്റേഷനില്‍ വണ്ടികയറാന്‍ എത്തിയത്.

രാവിലെ 8.15നുള്ള ഏറനാട് എക്‌സ്പ്രസില്‍ കണ്ണൂരിലേക്കും മറ്റും പോകാന്‍ എത്തിയവര്‍ക്ക് യഥാസമയം ടിക്കറ്റ് കിട്ടിയില്ല. ഒരു കൗണ്ടറില്‍ മാത്രമായിരുന്നു ടിക്കറ്റ് വില്‍പന. യാത്രക്കാരുടെ തിരക്ക് വര്‍ധിച്ചെങ്കിലും ഒരാള്‍ മാത്രമായിരുന്നു ടിക്കറ്റ് നല്‍കാനുണ്ടായിരുന്നത്. അതും വലിയ പരിചയമൊന്നുമില്ലാത്ത ആളായതിനാല്‍ ടിക്കറ്റ് നല്‍കാന്‍ തന്നെ ഏറെ താമസമെടുത്തു. ഇത് യാത്രക്കാരുടെ ബഹളത്തിനും പ്രതിഷേധത്തിനും വഴിവെച്ചു.

വണ്ടിയെത്തിയിട്ടും ടിക്കറ്റ് എടുക്കാന്‍ കഴിയാത്തതിനാല്‍ പലരും ടിക്കറ്റ് എടുക്കാതെ തന്നെ ട്രയിനില്‍ കയറി യാത്രതുടരുകയായിരുന്നു. അതിന് ശേഷം 9.15 നുള്ള ലോക്കല്‍ ട്രെയിനിലാണ് അവശേഷിച്ചവര്‍ പോയത്. എല്‍.ഡി. ക്ലര്‍ക്ക് പരീക്ഷക്ക് ജില്ലയിലെ പലര്‍ക്കും കണ്ണൂരിലായിരുന്നു സെന്റര്‍. യാത്രക്കാരുടെ തിരക്ക് ഉണ്ടാവുന്ന ഘട്ടങ്ങളില്‍ പോലും ടിക്കറ്റ് നല്‍കാന്‍ ഒന്നിലേറെ കൗണ്ടറുകളും ജീവനക്കാരേയും ഏര്‍പ്പെടുത്താത്ത റെയില്‍വേയുടെ അനാസ്ഥക്കെതിരെ വന്‍ പ്രതിഷേധം ഉയരുകയാണ്.

ടിക്കറ്റ് നല്‍കാന്‍ ആളില്ല; പി.എസ്.സി. ഉദ്യോഗാര്‍ത്ഥികള്‍ റെയില്‍വേസ്‌റ്റേഷനില്‍ വലഞ്ഞു

Photos: Zubair Pallickal

Keywords: Kasaragod, Railway station, PSC, Examination, Kerala, No enough staff in Railway ticket counter, Rush, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.

Advertisement: