നിസാറിന്റെ കൊല: സുഹൃത്ത് മുംബൈയില്‍ നിന്നും മുങ്ങി

കാഞ്ഞങ്ങാട് സൈന്‍ മോട്ടോര്‍സ് ബൈക്ക് ഷോറൂമിലെ ജീവനക്കാരനും ദേളി സ്വദേശിയുമായ നിസാറിനെ(35) മ­രി­ച്ച നി­ല­യില്‍ ക­ണ്ടെത്തി­യ സം­ഭ­വ­ത്തില്‍ പോ­ലീ­സ് അ­ന്വേ­ഷി­ക്കുന്ന കാസര്‍കോട് അടുക്കത്ത് ബയലിലെ ആഷിര്‍ മുംബൈയിലുണ്ടെന്ന് സൈബര്‍ സെല്ലിന്റെ സഹായത്തോടെ ഗോവ പോലീസ് നടത്തിയ അന്വേഷണത്തില്‍ തെളിഞ്ഞു. ഇതേതുടര്‍ന്ന് പോലീസ് മുംബൈയിലെത്തിയെങ്കിലും അറസ്റ്റ് ഭയന്ന് ആഷിര്‍ മുംബൈയില്‍ നിന്നും കടന്ന് കളയുകയായിരുന്നു. ഇപ്പോള്‍ ആഷിറിന്റെ മൊബൈല്‍ ഫോണ്‍ സ്വിച്ച് ഓഫ് ചെയ്ത നിലയിലാണ്.

ആഗസ്റ്റ് 30ന് രാത്രിയാണ് നിസാറിനെ മഡ്‌ഗോവ കല്ലങ്കോട് ബീച്ചിലെ ഒരു ഹോട്ടല്‍ മുറിയില്‍ ദുരൂഹ സാഹചര്യത്തില്‍ മരിച്ച നിലയില്‍ കണ്ടെത്തിയത്. നിസാറിനോടൊപ്പം ഹോട്ടല്‍ മുറിയില്‍ താമസിച്ച സുഹൃത്ത് ആഷിര്‍ സംഭവത്തിന് ശേഷം മുങ്ങുകയായിരുന്നു. നിസാറിന്റെ മൃതദേഹം ഗോവ മെഡിക്കല്‍ കോളേജ് ആശുപത്രിയില്‍ പോസ്റ്റുമോര്‍ട്ടം ചെയ്തതോടെ യുവാവിനെ കഴുത്ത് ഞെരിച്ച് ശ്വാസം മുട്ടിച്ചാണ് കൊലപ്പെടുത്തിയതെന്ന് തെളിഞ്ഞു.

ഇതേതുടര്‍ന്ന് ഗോവ പോലീസ് കൊലക്കുറ്റത്തിന് കേസെടുത്ത് അന്വേഷണമാരംഭിക്കുകയായിരുന്നു. മുങ്ങിയ ആഷിറിനെ തേടി ഗോവ പോലീസ് ആദ്യം കാസര്‍കോട്ടാണ് എത്തിയത്. കാസര്‍കോട്ട് അന്വേഷണം നടത്തുന്നതിനിടെയാണ് ആഷിര്‍ മുംബൈയിലുണ്ടെന്ന് പോലീസിന് സൂചന ലഭിച്ചത്.

ഓണം അവധി ആഘോഷിക്കാനായി ഗോവയിലേക്ക് പോയ നിസാറും ആഷിറും ഹോട്ടല്‍ മുറിയില്‍ താമ
സിക്കുന്നതിനിടെ ചില പ്രശ്‌നങ്ങളുടെ പേരില്‍ വാക്ക് തര്‍ക്കത്തിലേര്‍പെടുകയും സംഘട്ടനമു­ണ്ടാ­യ­തായും
ഇ­തി­നി­ട­യില്‍ നിസാറിനെ ശ്വാസം മുട്ടിച്ച് കൊലപ്പെടുത്തു­ക­യു­മാ­യി­രു­വെ­ന്നാ­ണ് പോ­ലീ­സ് നി­ഗ­മനം.

Keywords: Nisar murder, Friend, Escape, Mumbai, Police enquiry, Deli, Kasaragod.