നീലേശ്വരം കോണത്ത് ചാത്തമത്ത് ഭഗവതി ക്ഷേത്രമതിൽ ഇടിഞ്ഞു: ഭീഷണിയായി മണ്ണിടിച്ചിൽ

നീലേശ്വരം: (KasargodVartha) കോണത്ത് ചാത്തമത്ത് ഭഗവതി ക്ഷേത്രത്തിന് പിന്നിലെ കുന്ന് ഇടിഞ്ഞ് ക്ഷേത്രമതിൽ തകർന്നു. കനത്ത മഴയിൽ കുന്ന് താഴ്ന്നതോടെ ക്ഷേത്രമുറ്റം മൺകൂമ്പാരമായി.

ക്ഷേത്രത്തിന് തൊട്ടുമുകളിലുള്ള ചാത്തമത്ത് - നീലേശ്വരം റോഡ് മഴവെള്ളം കുത്തിയൊലിച്ച് മണ്ണ് നീങ്ങി താഴ്ന്ന നിലയിലാണ്. ഇത് ഇനിയും അപകടസാധ്യത വർദ്ധിപ്പിക്കുന്നുണ്ട്.

കാലവർഷം ആരംഭിച്ചതിന് പിന്നാലെ ആഴ്ചകൾക്ക് മുമ്പും ക്ഷേത്രമതിലിന്റെ മറ്റൊരു ഭാഗം തകർന്നിരുന്നു. അന്ന് റവന്യൂ അധികൃതർ ഫലപ്രദമായ നടപടികൾ സ്വീകരിച്ചില്ലെന്ന് പരാതിയുണ്ട്. നിലവിൽ ക്ഷേത്രം അപകടാവസ്ഥയിലാണ്. ഒന്നര വർഷം മുമ്പ് പുനർനിർമ്മിച്ച് പ്രതിഷ്ഠാ ബ്രഹ്മകലശ മഹോത്സവം നടത്തിയ ക്ഷേത്രമാണിത്.

ഈ വിഷയത്തെക്കുറിച്ച് നിങ്ങളുടെ അഭിപ്രായം പങ്കുവെക്കുക.

Article Summary: Landslide threatens Nileshwaram temple as wall collapses.

#Nileshwaram #TempleDamage #Landslide #KeralaRains #Kasargod #MonsoonDamage