ദേശീയപാത 66: ബേവിഞ്ചയിൽ ഗതാഗതം ഉടൻ പുനരാരംഭിക്കും; കളക്ടർ നിർമ്മാണ പ്രവർത്തനങ്ങൾ വേഗത്തിലാക്കാൻ നിർദ്ദേശം നൽകി

കാസർകോട്: (KasargodVartha) ദേശീയപാത 66 നിർമ്മാണത്തിനിടെ മണ്ണിടിഞ്ഞതിനെ തുടർന്ന് ഗതാഗതം നിരോധിച്ച ബേവിഞ്ചയിൽ, പാർശ്വസംരക്ഷണ നിർമ്മാണ പ്രവർത്തികൾ അടിയന്തരമായി പൂർത്തിയാക്കാൻ ജില്ലാ കളക്ടർ കെ. ഇമ്പശേഖർ ഐ.എ.എസ് നിർമ്മാണ കരാർ കമ്പനികൾക്ക് ഉത്തരവ് നൽകി.

സ്ഥലം സന്ദർശിച്ച ജില്ലാ കളക്ടറെ ദേശീയപാതാ നിർമ്മാണ പ്രതിനിധികൾ, പാർശ്വഭിത്തി നിർമ്മാണം പൂർത്തിയാക്കാൻ നാല് ദിവസം കൂടി വേണമെന്ന് അറിയിച്ചു. 

ദേശീയപാത അതോറിറ്റിയുടെ റിപ്പോർട്ട് ലഭിച്ചാൽ അഞ്ചുദിവസത്തിനകം ബേവിഞ്ച വഴി ദേശീയപാതയിലൂടെയുള്ള ഗതാഗതം പുനരാരംഭിക്കാൻ ആകുമെന്ന് ജില്ലാ കളക്ടർ അറിയിച്ചു. 

ഇതോടെ ബേവിഞ്ചയിലെ യാത്രാദുരിതത്തിന് ഉടൻ അറുതിയാകുമെന്ന പ്രതീക്ഷയിലാണ് പ്രദേശവാസികൾ.

ബേവിഞ്ചയിലെ യാത്രാദുരിതത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക. 

Article Summary: Traffic on NH 66 in Bevianja to resume soon as District Collector orders expedited completion of landslide protection works.

#NH66 #Bevianja #Kasaragod #TrafficUpdate #CollectorOrder #KeralaRoads