നിയന്ത്രണം വിട്ട ബൈക്ക് ക്ഷേത്രമതിലിനകത്തേക്ക് മറിഞ്ഞു; രണ്ട് യുവാക്കൾക്ക് ഗുരുതര പരിക്ക്

നീലേശ്വരം: (KasargodVartha) ബങ്കളം–കൂലോം റോഡിൽ നിയന്ത്രണം വിട്ട ബൈക്ക് ക്ഷേത്രത്തിന്റെ മതിലിനകത്തേക്ക് മറിഞ്ഞുണ്ടായ അപകടത്തിൽ രണ്ട് യുവാക്കൾക്ക് ഗുരുതരമായി പരിക്കേറ്റു. വെള്ളിയാഴ്ച ഉച്ചയ്ക്ക് ശേഷമാണ് സംഭവം നടന്നത്. കക്കാട്ട് മഹാവിഷ്ണു ക്ഷേത്രത്തിന്റെ മതിലിനകത്തേക്കാണ് അതിവേഗത്തിൽ എത്തിയ ബൈക്ക് നിയന്ത്രണം വിട്ട് മറിഞ്ഞത്. പടന്നക്കാട് സ്വദേശികളായ ഫാസിൽ, ഹാജിർ എന്നിവർക്കാണ് അപകടത്തിൽ പരിക്കേറ്റത്. 

ചികിത്സ തുടരുന്നു

അപകടത്തിന്റെ ശബ്ദം കേട്ട് ഓടിയെത്തിയ നാട്ടുകാർ ഉടൻ തന്നെ രക്ഷാപ്രവർത്തനം നടത്തി ഇരുവരെയും കാഞ്ഞങ്ങാട് ജില്ലാ ആശുപത്രിയിലെത്തിച്ചു. പ്രാഥമിക ചികിത്സയ്ക്ക് ശേഷം ഗുരുതരമായി പരിക്കേറ്റ ഹാജിറിനെ വിദഗ്ധ ചികിത്സയ്ക്കായി മംഗ്ളൂരിലെ സ്വകാര്യ ആശുപത്രിയിലേക്ക് മാറ്റി. ഫാസിൽ കാഞ്ഞങ്ങാട് ജില്ലാ ആശുപത്രിയിൽ ചികിത്സ തുടരുകയാണ്. 

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകൾക്കായി ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമന്റായി രേഖപ്പെടുത്താം.

Article Summary: Two youths from Padanakkad, Fazil and Hajir, were seriously injured after their bike went out of control and crashed into the wall of Kakkat Mahavishnu Temple on the Bankalam-Koolom road on Friday afternoon. Hajir has been shifted to a hospital in Mangalore for advanced treatment, while Fazil is undergoing treatment at the Kanhangad District Hospital.

#NeeleswaramNews #BikeAccident #RoadSafety #KasaragodNews #KeralaNews #EmergencyRescue #AparnaNews