'അ­മ്മ­യ്ക്കും കു­ഞ്ഞി­'നും ശാ­പ­മോ­ക്ഷം: പ­ത്തുല­ക്ഷം കൂ­ടി വേ­ണ­മെ­ന്ന്: കാ­നായി

Kanayi Kunhiraman

കാസര്‍കോട്: വിദ്യാ­ന­ഗ­റി­ലെ ജില്ലാ പഞ്ചായത്ത് കാര്യാലയത്തിനുമു­ന്നില്‍ ത­ല­യു­യര്‍­ത്തി നില്‍­ക്കു­ന്ന അ­മ്മ­യു­ടേയും കു­ഞ്ഞി­ന്റെയും ഗ്ര­ഹ­പ്പി­ഴ­കള്‍ നീ­ങ്ങുന്നു. കാ­നാ­യി കു­ഞ്ഞി­രാമ­ന്റെ ഈ ശില്പം പൂര്‍ത്തിയാക്കാന്‍ പത്തുലക്ഷം രൂപകൂ­ടി ചെ­ല­വ­ഴി­ക്കാന്‍ ജില്ലാ പഞ്ചായത്ത് യോ­ഗം തീ­രു­മാ­നിച്ചു. ഇ­തി­ന് സര്‍­ക്കാ­റി­ന്റെ അ­നുമ­തി തേടി.

20 ല­ക്ഷം രൂ­പ­യു­ടെ അ­ട­ങ്കല്‍ ചെല­വില്‍ ശില്‍­പം പൂര്‍­ത്തി­യാ­ക്കാ­നാ­യ­രുന്നു നേ­ര­ത്തേ­യു­ള്ള തീ­രു­മാനം. എ­ന്നാല്‍ കാ­നാ­യി ശില്‍­പ­നിര്‍­മ്മാ­ണം തു­ട­ങ്ങി­യ­തോ­ടെ­യാ­ണ് 20 ല­ക്ഷ­ത്തില്‍ കാര്യം ന­ട­ക്കി­ല്ലെ­ന്ന ഉ­റ­പ്പാ­യ­ത്. ഇതിനകം 17.5 ലക്ഷത്തോളം രൂപ ചെലവായി. അ­തി­നി­ട­യി­ലാണ് ബാക്കിയുള്ള തുകകൊണ്ട് ശില്പം പൂര്‍ത്തിയാക്കാനാകി­ല്ലെ­ന്ന് കാ­ണിച്ച് കുറഞ്ഞത് പത്തുലക്ഷം രൂപ കൂടി വേണമെന്നുമുള്ള ശില്പി കാനായി കുഞ്ഞിരാമന്റെ അപേക്ഷ ജില്ലാ പ­ഞ്ചാ­യ­ത്തി­ന്റെ മു­ന്നി­ലെ­ത്തി­യത്.

നേരത്തെ പത്തുലക്ഷംരൂപ സംഭാവനയായാണ് ജില്ലാ പഞ്ചായത്ത് കണ്ടെത്തിയത്. രണ്ടുലക്ഷം രൂപ യുവജനക്ഷേമ ബോര്‍ഡും നല്‍കി. ബാക്കി ജില്ലാ പഞ്ചായത്തും ക­ണ്ടെത്തി. ഇപ്പോള്‍ പൊതുവിനിയോഗനിധിയില്‍നിന്ന് പത്തുലക്ഷം രൂപ കൂടി വിനിയോഗിക്കാനാണ് സര്‍ക്കാറിന് അപേക്ഷ നല്‍കുന്നത്.

സീറോ വേസ്റ്റ് കാസര്‍കോട്പദ്ധതി നടപ്പാക്കുന്നതിന് നാല് സ്ഥിരം തസ്തികകള്‍ അനുവദിക്കുന്നതിനും ജില്ലാ പഞ്ചായത്ത് സര്‍ക്കാറിലേക്ക് അപേക്ഷ നല്‍കും. ജില്ലാ വികസനവുമായി ബന്ധപ്പെട്ടുള്ള പ്രഭാകരന്‍കമ്മീഷന്‍ നിര്‍ദേശത്തിന്റെ അടിസ്ഥാനത്തിലാണിത്. എന്‍വയണ്‍മെന്റല്‍ എന്‍ജിനിയര്‍, സോഷ്യല്‍ മൊബിലൈസര്‍, കോ­ഓര്‍ഡിനേറ്റര്‍, അസിസ്റ്റന്റ് കോ­ഓര്‍ഡിനേറ്റര്‍ തസ്തികകള്‍ അനുവദിക്കണമെന്നാവശ്യപ്പെട്ടാണ് അപേക്ഷ നല്‍­കു­ന്നത്. ലോക­ത്തി­നു മാ­തൃ­ക­യാ­യ സീറോ വേസ്റ്റ്പദ്ധതി ജില്ലയില്‍ ജനകീയ പങ്കാളിത്തത്തോടെ നടപ്പാക്കാനാണ് പ്രഭാകരന്‍കമ്മീഷന്‍ ലക്ഷ്യമിടു­ന്നത്.

Keywords: Kasaragod, District-Panchayath, Vidya Nagar, Kanayi Kunhiraman, Sculpture