ദേശീയപാതയിലെ അപകടക്കെണി: കേടായ വാഹനങ്ങൾ ദിവസങ്ങളോളം ഭീഷണി

കുമ്പള: (KasargodVartha) തിരക്കേറിയ ദേശീയപാതയിൽ കേടായ വാഹനങ്ങൾ ദിവസങ്ങളോളം കിടക്കുന്നത് അപകട ഭീഷണി ഉയർത്തുന്നു. തലപ്പാടി-ചെങ്കള ദേശീയപാതയിലാണ് ടയർ പഞ്ചറായതും അപകടത്തിൽപ്പെട്ടതുമായ വാഹനങ്ങൾ അടിയന്തരമായി നീക്കം ചെയ്യാൻ അധികൃതർ നടപടിയെടുക്കാത്തത്.

അമിത വേഗതയിൽ വാഹനങ്ങൾ സഞ്ചരിക്കുന്ന ഈ പാതയിൽ രാത്രികാലങ്ങളിൽ കേടായ വാഹനങ്ങൾ പെട്ടെന്ന് ശ്രദ്ധയിൽപ്പെടാതെ അപകടങ്ങൾ സംഭവിക്കുന്നത് പതിവാണ്. നിർത്തിയിട്ടിരിക്കുന്ന വാഹനങ്ങളിൽ ഇടിച്ച് നിരവധി അപകടങ്ങളും മരണങ്ങളും ഇവിടെ റിപ്പോർട്ട് ചെയ്തിട്ടുണ്ട്.

കഴിഞ്ഞ മൂന്ന് ദിവസമായി കുമ്പള ദേവീ നഗറിന് സമീപം ടയർ പഞ്ചറായ ഒരു ചരക്ക് ലോറി ദേശീയപാതയിൽ കിടക്കുകയാണ്. ഇത് നീക്കം ചെയ്യാൻ ബന്ധപ്പെട്ടവരോ ലോറി ഉടമകളോ ഇതുവരെ തയ്യാറായിട്ടില്ല. ഇത് മറ്റു വാഹനങ്ങൾക്ക് വലിയ അപകട ഭീഷണിയാണ് ഉയർത്തുന്നത്.

ഇതിനിടെ ദേശീയപാതയിൽ വാഹനങ്ങൾ നിർത്തി ഫോട്ടോയെടുക്കുന്നതും റീൽസ് ചെയ്യുന്നതും പതിവാകുന്നത് അപകടസാധ്യത വർദ്ധിപ്പിക്കുന്നുവെന്ന് യാത്രക്കാർ ചൂണ്ടിക്കാട്ടുന്നു.

ദേശീയപാതയിലെ ഈ അപകടാവസ്ഥയെക്കുറിച്ച് നിങ്ങളുടെ അഭിപ്രായങ്ങളും അനുഭവങ്ങളും പങ്കുവെക്കുക. 

Summary: Broken-down vehicles left unattended for days on the busy Thalappady-Chengala National Highway in Kumbala pose a significant safety threat. A truck with a flat tire has been stranded near Kumbala Devi Nagar for three days, increasing the risk of accidents, especially at night.

#NationalHighwayDanger, #RoadSafety, #KeralaAccidents, #BrokenDownVehicles, #Kumbala, #TrafficHazard