ദേശീയപാതയിൽ സുരക്ഷ ഉറപ്പാക്കണം: നാസർ ചെർക്കളം നയിക്കുന്ന പദയാത്ര ആരംഭിച്ചു

കാസർകോട്: (KasargodVartha) ദേശീയപാതയിൽ കാൽനടയാത്രക്കാർക്ക് ആവശ്യമായ സുരക്ഷാ സംവിധാനങ്ങളും എല്ലാ ബസ് സ്റ്റോപ്പുകളിലും ഫുട് ഓവർ ബ്രിഡ്ജുകളും യാഥാർത്ഥ്യമാക്കണമെന്ന് ആവശ്യപ്പെട്ടുകൊണ്ട് കെ-സ്റ്റഡീസ് കാസർകോടിന്റെ ആഭിമുഖ്യത്തിൽ പൊതുപ്രവർത്തകൻ നാസർ ചെർക്കളം നയിക്കുന്ന 37 കിലോമീറ്റർ ദൈർഘ്യമുള്ള പദയാത്ര മഞ്ചേശ്വരത്ത് നിന്ന് ആരംഭിച്ചു. ചെർക്കള വരെയാണ് യാത്ര.

മഞ്ചേശ്വരം ഗോവിന്ദപൈ കോളേജ് പരിസരത്ത് നടന്ന ഉദ്ഘാടന ചടങ്ങിൽ എ കെ എം അഷ്‌റഫ് എം എൽ എ ഫ്ലാഗ് ഓഫ് നടത്തി ഉദ്ഘാടനം നിർവഹിച്ചു.

മഞ്ചേശ്വരം ഗ്രാമപഞ്ചായത്ത് പ്രസിഡന്റ് ജീൻ ലെവീണോ മന്തെരോ, വൈസ് പ്രസിഡന്റ് മുഹമ്മദ് അബൂബക്കർ സിദ്ദീഖ്, വാർഡ് മെമ്പർ സമീറ, കോളേജ് പ്രിൻസിപ്പൽ കെ മുഹമ്മദ് അലി മാസ്റ്റർ, കോളേജ് യൂണിയൻ ചെയർമാൻ അനിഷ് എന്നിവർ പ്രസംഗിച്ചു. വിദ്യാർത്ഥികൾ യാത്രയ്ക്ക് ഊഷ്മളമായ അഭിവാദ്യങ്ങൾ നേർന്നു.

യാത്രയ്ക്ക് ആദ്യ സ്വീകരണം നൽകിയത് ഗുഡ് ലക്ക് ഫ്രണ്ട്സ് ക്ലബ് സോർട്ടിന്റെ ആഭിമുഖ്യത്തിലാണ്. അബ്ദുൽ നാസർ, ഇസ്മായിൽ, ഹനീഫ് വാമഞ്ചൂർ, മഹ്മൂദ് ഹാജി സംസം, അഷ്‌റഫ്, ഫൈസൽ എന്നിവർ ജാഥാ ക്യാപ്റ്റൻ നാസർ ചെർക്കളത്തിനെയും സംഘാംഗങ്ങളായ ഉസ്മാൻ പള്ളിക്കാൽ, അബ്ദുൽ ഖാദർ പാറക്കട്ട എന്നിവരെയും സ്വീകരിച്ചു.

പദയാത്ര ബുധനാഴ്ച വൈകുന്നേരം ആറ് മണിക്ക് മൊഗ്രാൽ ജംഗ്ഷനിൽ അവസാനിച്ചു. വ്യാഴാഴ്ച രാവിലെ 10 മണിക്ക് മൊഗ്രാൽ മുസ്ലിം ലീഗ് ഓഫീസ് ജംഗ്ഷനിൽ നിന്ന് തുടക്കം കുറിച്ച് വൈകുന്നേരം എട്ട് മണിക്ക് ചെർക്കളയിൽ സമാപിക്കും.

ജനങ്ങളിൽ നിന്ന് മികച്ച പ്രതികരണമാണ് ഉണ്ടാകുന്നതെന്നും, എല്ലാ പിന്തുണയും നൽകുമെന്ന് അറിയിച്ചുവെന്നും നാസർ ചെർക്കളം കാസർകോട് വാർത്തയോട് പറഞ്ഞു.

ദേശീയപാതയിലെ സുരക്ഷാ പ്രശ്‌നങ്ങളിൽ നിങ്ങളുടെ അഭിപ്രായം എന്താണ്? വാർത്ത ഷെയർ ചെയ്ത് പ്രതിഷേധത്തിന് പിന്തുണ നൽകുക. 

Article Summary: Nasser Cherkalam's 37 KM padayatra began in Kasaragod, demanding highway safety and foot overbridges.

#Kasaragod #NationalHighway #Padayatra #NasserCherkalam #RoadSafety #FootOverBridge