മേല്‍പറമ്പിൽ വ്യാഴാഴ്ച മുസ്ലിം യൂത്ത് ലീഗ് റോഡ് ഉപരോധിക്കും

മേല്‍പറമ്പ: ദേളി റോഡിന്റെ ശോചനീയാവസ്ഥ പരിഹരിക്കാത്തതിൽ പ്രതിഷേധിച്ച് മുസ്ലിം യൂത്ത് ലീഗിന്റെ ആഭിമുഖ്യത്തിൽ വ്യാഴാഴ്ച  രാവിലെ 9.30ന് മേല്‍പറമ്പിൽ റോഡ് ഉപരോധിക്കും.

കാസര്‍കോട്- കാഞ്ഞങ്ങാട് റോഡിന്റെ പണി നടക്കുന്നതിനാല്‍ വഴി തിരിച്ച് വിട്ട ദേളി റോഡിന്റെ ശോചനീയാവസ്ഥ പരിഹരിക്കുകയും നിരവധി വിദ്യാഭ്യാസ സ്ഥാപനങ്ങല്‍ സ്ഥിതി ചെയ്യുന്ന ഈ റൂട്ടിലെ യാത്രാ ക്ലേശം പരിഹരിക്കുകയും ചെയ്യണമെന്നാവശ്യപ്പെട്ട് 15 ദിവസം മുമ്പ് കെ.എസ്.ടി.പി, പി.ഡബ്ല്യു.ഡി അധികൃതർ,  ജില്ലാ കളക്ടര്‍ തുടങ്ങിയയവര്‍ക്ക് യൂത്ത് ലീഗ് പരാതി നല്‍കിയിരുന്നു. ഇതുവരെ യാതൊരു വിധ അനുകൂല നടപടികള്‍ കൈകൊള്ളാത്തതിൽ പ്രതിഷേധിച്ചാണ്  റോഡ്‌  ഉപരോധം സംഗടിപ്പിക്കുന്നതെന്ന്  മുസ്ലിം യൂത്ത് ലീഗ് ചെമ്മനാട് പഞ്ചായത്ത് പ്രസിഡണ്ട് അന്‍വര്‍ കോളിയടുക്കവും ആക്ടിംഗ് സെക്രട്ടറി നിസാര്‍ ഫാത്വിമയും അറിയിച്ചു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.