മുന്നൂർ ജുമാ മസ്ജിദ് റോഡ് തകർന്നു; ദുരിതത്തിലായി വിശ്വാസികളും വിദ്യാർഥികളും, കോൺക്രീറ്റ് ചെയ്യാൻ എംഎൽഎ ഫണ്ട് വേണമെന്ന് ആവശ്യം

അങ്കടിമുഗർ: (KasargodVartha) പൈവളിഗെ പഞ്ചായത്തിൻ്റെ കീഴിലുള്ള മുന്നൂർ ജുമാ മസ്ജിദ് റോഡ് പൂർണ തകർച്ച നേരിടുന്നത് പ്രദേശവാസികൾക്ക് വലിയ ദുരിതമാവുന്നു. പെർമുദെ-മുന്നൂർ റോഡിൽ മുന്നൂറിൽ നിന്ന് തുടങ്ങി ജുമാ മസ്ജിദ് വരെയുള്ള ഏകദേശം ഒരു കിലോമീറ്റർ ദൂരമാണ് പൂർണ തകർച്ചയെ നേരിടുന്നത്. 

ഇതുമൂലം പള്ളിയിൽ പോകേണ്ട വിശ്വാസികൾക്കും, ഈ റോഡിനെ ആശ്രയിക്കുന്ന നൂറുകണക്കിന് സ്കൂൾ-മദ്രസ വിദ്യാർഥികൾക്കും വാഹന യാത്രയും കാൽനടയാത്രയും ദുസ്സഹമായിരിക്കുകയാണ്. നൂറുകണക്കിന് കർഷക കുടുംബങ്ങൾ താമസിച്ചുവരുന്ന പ്രദേശം കൂടിയാണ് മുന്നൂർ.

തകർച്ചയ്ക്ക് കാരണം മഴവെള്ളപ്പാച്ചിൽ

വർഷങ്ങൾക്ക് മുമ്പാണ് പഞ്ചായത്ത് ഫണ്ട് ഉപയോഗപ്പെടുത്തി റോഡ് റീ ടാറിങ് ചെയ്ത് ഗതാഗതയോഗ്യമാക്കിയത്. എന്നാൽ വയലിനോട് ചേർന്ന താഴ്ന്ന പ്രദേശമായതിനാൽ ശക്തമായ മഴവെള്ള കുത്തൊഴുക്കിൽ റോഡ് പൂർണമായും തകരുകയായിരുന്നുവെന്ന് നാട്ടുകാർ പറയുന്നു. കയറ്റവും ഇറക്കവുമുള്ള റോഡിൽ മഴവെള്ളം ഒഴുകിപ്പോകാൻ ഓവുചാൽ സംവിധാനം ഇല്ലാത്തത് റോഡിൻ്റെ തകർച്ചയ്ക്ക് ആക്കം കൂട്ടി. ഇതിനുപുറമെ, നേരത്തെ നടത്തിയ റീ ടാറിങ്ങിൽ ആവശ്യത്തിന് മെറ്റൽ ഉപയോഗിച്ചില്ലെന്ന ആക്ഷേപവും നാട്ടുകാർക്കുണ്ട്. റോഡിൻ്റെ നിലവിലെ തകർച്ചയിൽ നിന്ന് അത് വ്യക്തമാണെന്നും അവർ ചൂണ്ടിക്കാട്ടുന്നു.

എംഎൽഎ ഫണ്ട് വേണമെന്ന് ആവശ്യം

ഏകദേശം ഒരു കിലോമീറ്റർ ദൈർഘ്യമുള്ള മുന്നൂർ ജുമാ മസ്ജിദ് റോഡ് ഗതാഗതയോഗ്യമാക്കാൻ പഞ്ചായത്തിൻ്റെ നാമമാത്രമായ ഫണ്ട് അപര്യാപ്തമാണ്. അതിനാൽ എംഎൽഎ ഫണ്ട് അനുവദിച്ച് റോഡ് പൂർണമായും കോൺക്രീറ്റ് ചെയ്ത് യാത്രായോഗ്യമാക്കണമെന്നാണ് നാട്ടുകാരുടെ പ്രധാന ആവശ്യം. നേരത്തെ എംഎൽഎയോട് ഇക്കാര്യം ആവശ്യപ്പെട്ടിരുന്നുവെങ്കിലും ഫണ്ട് അനുവദിച്ചില്ലെന്ന ആക്ഷേപവും നാട്ടുകാർ ഉന്നയിക്കുന്നുണ്ട്. 

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. പുതിയ വാർത്തകളും വിശേഷങ്ങളും അറിയാൻ ഞങ്ങളുടെ വാട്സാപ്പ് ചാനലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക് പോസ്റ്റിന് താഴെ കമൻ്റായി രേഖപ്പെടുത്താം

Article Summary: The 1-km Munnur Juma Masjid road in Paivalike Panchayat is severely damaged due to heavy rainwater runoff and poor tarring, causing hardship to devotees, students, and farmers. Locals are now demanding MLA funds to concrete the road and resolve the travel woes.

#KasargodVartha #Angadimugar #PaivalikePanchayat #KasaragodNews #RoadDamage #LocalNews #MalayalamNews #PublicIssue #AparnaNews