സ്കൂട്ടറിൽ പോവുകയായിരുന്ന യുവാവിനെ കാട്ടുപന്നി ആക്രമിച്ചു; ഗുരുതര പരിക്ക്

ബോവിക്കാനം: (KasargodVartha) മുളിയാർ പഞ്ചായത്തിലെ നുസ്രത്ത് നഗറിൽ തിങ്കളാഴ്ച രാവിലെ പള്ളിയിലേക്കു പോവുകയായിരുന്ന യുവാവിനെ കാട്ടുപന്നി ആക്രമിച്ചു. ഗുരുതരമായി പരിക്കേറ്റ ചട്ടഞ്ചാൽ തെക്കിലിലെ മുത്തലിബിനെ (42) തുടർ ചികിത്സയ്ക്കായി ആശുപത്രിയിൽ പ്രവേശിപ്പിച്ചു. സ്കൂട്ടറിൽ യാത്ര ചെയ്യുകയായിരുന്ന യുവാവിനെയാണ് കാട്ടുപന്നിക്കൂട്ടം മുന്നിലൂടെ പെട്ടെന്ന് ചാടി വന്ന് ഇടിച്ചു വീഴ്ത്തിയത്.

ഗുരുതരമായി പരിക്കേറ്റ മുത്തലിബിനെ നാട്ടുകാരും പൊതുപ്രവർത്തകരുമായ മസൂദ് ബോവിക്കാനം, സിദ്ദീഖ് ബോവിക്കാനം, ബി അബ്ദുൽ ഗഫൂർ, അബ്ദുല്ല ഭരണി എന്നിവർ ചേർന്ന് ഉടൻ തന്നെ ചെങ്കള നായനാർ ആശുപത്രിയിൽ പ്രവേശിപ്പിച്ചു. മുത്തലിബ് ചികിത്സയിൽ തുടരുകയാണ്.

പ്രദേശത്ത് തുടർച്ചയായി കാട്ടുപന്നികൾ പ്രത്യക്ഷപ്പെടുന്ന സാഹചര്യത്തിൽ നാട്ടുകാർ കടുത്ത ആശങ്കയിലാണ്. ജനങ്ങളുടെ ജീവനും സ്വത്തിനും ഭീഷണിയാകുന്ന കാട്ടുപന്നി ശല്യം നിയന്ത്രിക്കാൻ അധികൃതർ അടിയന്തര നടപടി സ്വീകരിക്കണമെന്ന് അവർ ആവശ്യപ്പെട്ടു.

നിങ്ങളുടെ പ്രദേശത്ത് കാട്ടുപന്നി ശല്യം ഉണ്ടോ? ഈ വിഷയത്തിൽ അധികൃതർ എന്ത് നടപടിയെടുക്കണം? അഭിപ്രായങ്ങൾ പങ്കുവെക്കുക.

Article Summary: Wild boar attacks youth in Muliar, Kasaragod; critically injured Mutthalib (42) hospitalized.

#WildBoarAttack #Muliar #KasaragodNews #Mutthalib #WildlifeThreat #LocalNews