എം.എസ്.എഫ് ഉണര്‍ത്തുജാഥ ജില്ലാതല സ്വാഗതസംഘം രൂപവല്‍കരിച്ചു

കാസര്‍കോട്: സംരക്ഷിക്കേണ്ട വിദ്യാര്‍ത്ഥിത്വം, ഉണരേണ്ട സമൂഹം എന്ന പ്രമേയവുമായി നവംബര്‍ 21ന് കാസര്‍കോട് നിന്നാരംഭിക്കുന്ന എം.എസ്.എഫ് സംസ്ഥാന കമ്മിറ്റിയുടെ സാമൂഹ്യ ഉണര്‍ത്തുജാഥയുടെ പ്രചരണാര്‍ത്ഥം ജില്ലാതല സ്വാഗതസംഘം  രൂപവല്‍കരിച്ചു. 21ന് തുടങ്ങുന്ന ജാഥ 20 ദിവസങ്ങളിലായി കേരളത്തിന്റെ എല്ലാ ജില്ലകളിലും സഞ്ചരിച്ച് ഡിസംബര്‍ 13ന് തിരുവനന്തപുരത്ത് ഗാന്ധിപാര്‍ക്കില്‍ സമാപിക്കും.

കേരളത്തിലെ വിദ്യാര്‍ത്ഥികള്‍ക്കെതിരെ നടന്നുകൊണ്ടിരിക്കുന്ന അക്രമങ്ങളെയും പീഢനങ്ങളെയും കുറിച്ച് പൊതുസമൂഹത്തിന് ബോധ്യപ്പെടുത്തുന്നതിന് വേണ്ടിയാണ് ജാഥ നടത്തുന്നത്. സൈക്കിളിലാണ് ജാഥ പോകുന്നത് എന്നത് ശ്രദ്ധേയമാണ്. പ്രചരണാര്‍ത്ഥം ജില്ലയിലെ എല്ലാ മണ്ഡലങ്ങളിലും പഞ്ചായത്ത് തലങ്ങളിലും വിവിധ പ്രചരണ പരിപാടികള്‍ നടന്നുവരുന്നു.

സ്വാഗതസംഘം രൂപീകരണ യോഗത്തില്‍ വൈസ് പ്രസിഡണ്ട് ഉസാം പള്ളങ്കോട് അധ്യക്ഷത വഹിച്ചു. മുസ്ലീം ലീഗ് ജില്ലാ പ്രസിഡണ്ട് ചെര്‍ക്കളം അബ്ദുല്ല ഉദ്ഘാടനം ചെയ്തു. മുസ്ലീം ലീഗ് സംസ്ഥാന വൈസ് പ്രസിഡന്റ് സി.ടി. അഹമ്മദലി, യൂത്ത് ലീഗ് ജില്ലാ പ്രസിഡന്റ് മൊയ്തീന്‍ കൊല്ലമ്പാടി, ജനറല്‍ സെക്രട്ടറി എ.കെ.എം. അഷ്‌റഫ്, എം.എസ്.എഫ് സംസ്ഥാന സെക്രട്ടറി അസീസ് കളത്തൂര്‍, മുഹമ്മദ് കുഞ്ഞി ഹിദായത്ത് നഗര്‍, യൂസുഫ് ഉളുവാര്‍, നാസിര്‍ ചായിന്റടി, അഷ്‌റഫ് എടനീര്‍, മമ്മു ചാല, എ.കെ. ആരിഫ്, എം. അബ്ബാസ്, ഷാഹുല്‍ ഹമീദ് ബന്തിയോട്, മനാഫ് എടനീര്‍, പി.വൈ. ആസിഫ്, സാദിഖുല്‍ അമീന്‍, ഇര്‍ഷാദ് പടന്ന, മുഹമ്മദ്കുഞ്ഞി ഉളുവാര്‍, അസ്ഹറുദ്ദീന്‍ എതിര്‍ത്തോട്, ഖാദര്‍ ആലൂര്‍, ബി. മുഹമ്മദലി, സിദ്ദീഖ് ദണ്ടഗോളി, ഗോള്‍ഡന്‍ റഹ്മാന്‍, സയ്യിദ് ത്വാഹ, എം.പി. മുഹമ്മദ്, കെ.വി. യൂസുഫ് എന്നിവര്‍ പ്രസംഗിച്ചു. എം.എസ്.എഫ് ജില്ലാ ജനറല്‍ സെക്രട്ടറി റൗഫ് ബാവിക്കര സ്വാഗതവും ട്രഷറര്‍ ഹാഷിം ബംബ്രാണി നന്ദിയും പറഞ്ഞു.

സ്വാഗതസംഘം ഭാരവാഹികള്‍: ഹമീദലി ഷംനാട്, സി.ടി. അഹമ്മദലി, എം.സി. ഖമറുദ്ദീന്‍, പി.ബി. അബ്ദുര്‍ റസാഖ് എം.എല്‍.എ, എന്‍.എ. നെല്ലിക്കുന്ന് എം.എല്‍.എ (മുഖ്യ രക്ഷാധികാരികള്‍), ചെര്‍ക്കളം അബ്ദുല്ല (ചെയര്‍മാന്‍), മൊയ്തീന്‍ കൊല്ലമ്പാടി (വര്‍ക്കിംഗ് ചെയര്‍മാന്‍), അസീസ് കളത്തൂര്‍ (ജനറല്‍ കണ്‍വീനര്‍), റൗഫ് ബാവിക്കര (വര്‍ക്കിംഗ് കണ്‍വീനര്‍), എ. അബ്ദുര്‍ റഹ്മാന്‍ (ട്രഷറര്‍), സ്റ്റേജ് ആന്റ് ഡെക്കറേഷന്‍ ചെയര്‍മാന്‍ - അഷ്‌റഫ് എടനീര്‍, കണ്‍വീനര്‍ - ഹാഷിം ബംബ്രാണി എന്നിവരെ തെരഞ്ഞെടുത്തു.
ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം.

Keywords:  Kasaragod, MSF, Committee, Kerala, Unarthu Jadha, Education, Malayalam News, National News, Kerala News, International News, Sports News, Entertainment, Stock News. current top stories, photo galleries, Top Breaking News on Politics and Current Affairs in India & around the World, discussions, interviews and more, Kerala culture, Malayalam comedy, Malayalam news channel, Kerala news paper, News malayalam, Today news paper, Today cricket news, Malayalam hot news, Malayalam kathakal, Live malayalam news, News Kerala, Malayalam gulf news.