'ക്രിയാത്മക വിദ്യാര്‍ത്ഥിത്വം; ലഹരിക്കെതിരെ'': എം.എസ്.എഫ് ക്യാമ്പയിന്‍ ജില്ലാതല ഉദ്ഘാടനം 17 ന്

കാസര്‍കോട്: സ്‌കൂളുകളിലും കോളജുകളിലും വര്‍ധിച്ചുവരുന്ന ലഹരി ഉപയോഗത്തിനെതിരെ ക്രിയാത്മക വിദ്യാര്‍ത്ഥിത്വം ലഹരിക്കെതിരെ എന്ന പ്രമേയവുമായി എം.എസ്.എഫ് ജില്ലാ കമ്മിറ്റി നടത്തുന്ന രണ്ട് മാസം നീണ്ടുനില്‍ക്കുന്ന ക്യാമ്പയിനിന്റെ ജില്ലാതല ഉദ്ഘാടനം ചൊവ്വാഴ്ച 11 മണിക്ക് പൊവ്വല്‍ എല്‍.ബി.എസ് കോളജ് പരിസരത്ത് നടക്കും.

ക്യാമ്പയിനിന്റെ ഭാഗമായി സ്‌കൂള്‍, കോളജുകളില്‍ ഡോക്യുമെന്ററി പ്രദര്‍ശനം, ടേബിള്‍ ടോക്, കൊളാഷ്, ചിത്ര-പോസ്റ്റര്‍ പ്രദര്‍ശനങ്ങള്‍, ലഹരിവിരുദ്ധ പ്രതിജ്ഞ, ലഘുലേഖ വിതരണം, പ്രമേയ വിശദീകരണ സെമിനാര്‍ എന്നിവ സംഘടിപ്പിക്കും. ഉദ്ഘാടന പരിപാടിയില്‍ ഡോ. സുരേഷ്ബാബു, മദ്യവിരുദ്ധസമിതി സംസ്ഥാന ജനറല്‍ സെക്രട്ടറി ഇയ്യച്ചേരി കുഞ്ഞികൃഷ്ണന്‍, ആദൂര്‍ എസ്.ഐ. ദാമോധരന്‍, ജില്ലാ ഇന്‍ഫര്‍മേഷന്‍ ഓഫീസര്‍ അബ്ദുര്‍ റഹ്മാന്‍, രാമകൃഷ്ണന്‍, മുസ്ലീം ലീഗ് ജില്ലാ ട്രഷറര്‍ എ. അബ്ദുര്‍ റഹ്മാന്‍, മുസ്ലീം യൂത്ത് ലീഗ് ജില്ലാ പ്രസിഡന്റ് മൊയ്തീന്‍ കൊല്ലമ്പാടി, എം.എസ്.എഫ് സംസ്ഥാന സെക്രട്ടറി അസീസ് കളത്തൂര്‍, ഗ്രാമപഞ്ചായത്ത് മെമ്പര്‍ ബാദ്ഷ പൊവ്വല്‍, വിവിധ വിദ്യാര്‍ത്ഥി സംഘടനാ പ്രതിനിധികളായ ഷാലു മാത്യു, പ്രദീപ്കുമാര്‍, നിധീഷ് തുടങ്ങി സാമൂഹിക-രാഷ്ട്രീയ-സാംസ്‌കാരിക രംഗങ്ങളിലെ പ്രമുഖര്‍ സംബന്ധിക്കും.

പരിപാടിയില്‍ മുഴുവന്‍ എം.എസ്.എഫ് പ്രവര്‍ത്തകരും സംബന്ധിക്കണമെന്ന് എം.എസ്.എഫ് ജില്ലാ പ്രസിഡന്റ് സഹീര്‍ ആസിഫ്, ജനറല്‍ സെക്രട്ടറി റൗഫ് ബാവിക്കര എന്നിവര്‍ അഭ്യര്‍ത്ഥിച്ചു.