കാസര്‍­കോ­ട്ട് മ­ല­യാളം, ബി­.എ., ബി­ കോം കോ­ഴ്‌­സ് മന്ത്രി അ­ബ്ദു­റ­ബ്ബ് ഉ­ദ്­ഘാ­ട­നം ചെ­യ്യും

കാസര്‍­കോ­ട്: ഗ­വ: കോ­ളജില്‍ ബി.എ. മ­ല­യാളം, ബികോം കോ­ഴ്‌­സു­കള്‍ ന­വം­ബര്‍ 12ന് രാ­വി­ലെ 11.30ന് വി­ദ്യാ­ഭ്യാ­സ വ­കു­പ്പ് മന്ത്രി പി.കെ. അ­ബ്ദുറ­ബ്ബ് ഉ­ദ്­ഘാട­നം ചെ­യ്യു­മെ­ന്ന് അ­ധി­കൃതര്‍ വാര്‍­ത്താ­സ­മ്മേ­ള­ന­ത്തില്‍ അ­റി­യി­ച്ചു.

ഭാ­ഷാ സ്‌­നേ­ഹി­കള്‍­ക്ക് ആ­ന­ന്ദവും രോ­മാ­ഞ്ചവും പ­ക­രു­ന്ന­താ­ണ് വി­ദ്യാ­ഭ്യാ­സ മ­ന്ത്രി­യു­ടെ കോ­ളജ് സ­ന്ദര്‍­ശനം. നീ­ണ്ട­കാ­ത്തി­രി­പ്പി­ന് ശേ­ഷം മ­ല­യാ­ളം ബിരുദ കോ­ഴ്‌­സ് അ­ത്യു­ത്തര കോ­ളജില്‍ എ­ത്തു­ന്നു എ­ന്ന­ത് എല്ലാ­വ­രെയും ആ­ഹ്ലാ­ദിപ്പി­ക്കുകയാണ്. ഒ­പ്പം ര­ക്ഷി­താ­ക്കളും കു­ട്ടി­കളും നാ­ട്ടു­കാരും ഏ­റെ ആ­ഗ്ര­ഹി­ച്ചു­കൊ­ണ്ടി­രി­ക്കു­ന്ന ബി­ കോം കോ­ഴ്‌സും മന്ത്രി ഉ­ദ്­ഘാ­ട­നം ചെ­യ്യും.

എന്‍.എ. നെല്ലിക്കുന്ന് എം.എല്‍.എ. അധ്യക്ഷത വഹിക്കും. പി. കരുണാകരന്‍ എം.പി., എം.എല്‍.എ. മാരായ പി.ബി. അബ്ദുര്‍ റസാഖ്, കെ. കുഞ്ഞിരാ­മന്‍ തൃ­ക്ക­രി­പ്പൂര്‍, കെ. കുഞ്ഞിരാമന്‍ ഉ­ദുമ, ഇ. ചന്ദ്രശേഖരന്‍, ജില്ലാ പഞ്ചായത്ത് പ്രസിഡണ്ട് അഡ്വ. പി.പി. ശ്യാമളാദേവി, നഗരസഭാ ചെയര്‍മാന്‍ ടി.ഇ. അബ്ദുല്ല, മുന്‍ മന്ത്രിമാരായ സി.ടി. അഹ്മദലി, ചെര്‍ക്കളം അബ്ദുല്ല, കോളജ് പ്രിന്‍സിപ്പാല്‍ പ്രൊഫ. ടി. രാജലക്ഷ്മി തുടങ്ങിയവര്‍ ആശംസകളര്‍പ്പി­ക്കും.

വാര്‍ത്താസമ്മേളനത്തില്‍ സംഘാടക സമിതി ചെയര്‍മാന്‍ എന്‍.എ. നെല്ലിക്കുന്ന് എം.എല്‍.എ, കോളജ് പ്രിന്‍സിപ്പല്‍ പ്രൊഫ. പി. രാജലക്ഷ്മി, കൗണ്‍­സി­ലര്‍­മാരാ­യ എ. അബ്ദുര്‍ ­റ­ഹ്മാന്‍, അര്‍ജ്ജുനന്‍ തായലങ്ങാ­ടി ഒ.എസ്.എ. പ്ര­സി­ഡന്റ് സി.എല്‍. ഹമീദ്, കുന്നില്‍ അബ്ദുല്ല തുടങ്ങിയവര്‍ സംബന്ധിച്ചു.

Keywords: Kasaragod, Govt.college, Minister P.K Abdu Rabb, Inauguration, New course, N.A. Nellikunnu, Press-meet, P.Karunakaran, Rajalakshmi, Malayalam news, Kerala