ബഹ്‌റൈനില്‍ നിന്നും ഒരുകോടി തട്ടി മുങ്ങിയ അണങ്കൂര്‍ സ്വദേശി പിടിയില്‍

കാസര്‍കോട്: ബഹ്‌റൈനില്‍ മലപ്പുറം സ്വദേശിയെ കണ്ണില്‍ മുളക് പൊടി വിതറി അടിച്ചുവീഴ്ത്തി ഒരുകോടി രൂപ തട്ടിയെടുത്ത് മുങ്ങിയ അണങ്കൂര്‍ സ്വദേശിയെ പോലീസ് കസ്റ്റഡിയിലെടുത്തു. ഇയാള്‍ക്കൊപ്പമുണ്ടായിരുന്ന മറ്റു രണ്ടുപേരെ കുറിച്ച് പോലീസിന് വ്യക്തമായ വിവരം ലഭിച്ചിട്ടുണ്ട്. ഇവര്‍ അടുത്ത ദിവസം തന്നെ പിടിയിലാകുമെന്ന് പോലീസ് പറഞ്ഞു.

ബഹ്‌റൈനില്‍ ട്രോപിക്കല്‍ എക്‌പോട്ടേഴ്‌സ് ആന്റ് വെജിറ്റബിള്‍ കടയുടമ മലപ്പുറത്തെ അബ്ദുല്‍ ഗഫൂറിന്റെ പരാതിയിലാണ് പോലീസ് അണങ്കുരിലെ യുവാവിനെ കസ്റ്റഡിയിലെടുത്തത്. ഗഫൂറിന്റെ ഉടമസ്ഥതയിലുള്ള സ്ഥാപനത്തിലെ അക്കൗണ്ടന്റ് മലപ്പുറത്തെ സഗീറി(28) നെ അക്രമിച്ച് പണം തട്ടിയെന്നാണ് കേസ്. കഴിഞ്ഞമാസം ഒന്നിനായിരുന്നു കേസിമാസ്പദമായ സംഭവം.

യു.എ.ഇ. എക്‌സ്‌ചേഞ്ചിലേക്ക് അടക്കാന്‍ കൊണ്ടുപോവുകയായിരുന്ന പണമാണ് പ്രതികള്‍ സഗീറിന്റെ കണ്ണില്‍ മുളക്‌പൊടി വിതറിയ ശേഷം മര്‍ദിച്ച് അവശനാക്കി തട്ടിയെടുത്തത്. അണങ്കൂര്‍ സ്വദേശി ഫസല്‍ അടക്കമുള്ള മൂന്നു പേര്‍ക്കെതിരെ ഗഫൂര്‍ ബഹ്‌റൈനിലും പരാതി നല്‍കിയിരുന്നു.


പിന്നീട് അണങ്കൂര്‍ സ്വദേശിയെ തേടി ഗഫൂര്‍ കാസര്‍കോട് എത്തിയെങ്കിലും കണ്ടെത്താനായില്ല. ഇതേതുടര്‍ന്ന് ഓഗസ്റ്റ് 12 ന് കാസര്‍കോട് ഡി.വൈ.എസ്.പി. പി മോഹനചന്ദ്രന് പരാതി നല്‍കിയത്. ഇതിന്റെ അടിസ്ഥാനത്തിലാണ് അണങ്കൂരിലെ യുവാവിനെ പോലീസ് കസ്റ്റഡിയിലെടുത്തത്.

Also Read: 
20 രൂപയ്ക്ക് വേണ്ടി കൊലപാതകം: കൗമാരക്കാരായ രണ്ടുപേര്‍ അറസ്റ്റില്‍
Related News: 
ബഹ്‌റൈനില്‍ അക്കൗണ്ടന്റിനെ അക്രമിച്ച് 1 കോടി തട്ടിയ അണങ്കൂര്‍ സ്വദേശിക്കെതിരെ കേസ്