പണവും മുട്ടയും കാണാതായതിന് ഹോട്ടല്‍ ഉടമയെയും ജോലിക്കാരനെയും മര്‍ദ്ദിച്ചു
Jun 9, 2012, 11:22 IST
കാസര്‍കോട്: ഒരു ഹോട്ടലില്‍ നിന്നും പണവും മുട്ടയും കാണാതായതിന് മറ്റൊരു ഹോട്ടല്‍ ഉടമയെയും ജോലിക്കാരനെയും ഓട്ടോ ഡ്രൈവറായ യുവാവ് ക്രൂരമായി മര്‍ദ്ദിച്ചു. പരിക്കേറ്റ ബദിയടുക്ക നാരമ്പാടിയിലെ അശോകന്‍(39), ജോലിക്കാരന്‍ ചര്‍ളടുക്കത്തെ അബ്ദുല്‍ ഖാദര്‍(23) എന്നിവരെയാണ് കഴിഞ്ഞ ദിവസം രാത്രി എട്ടുമണിയോടെ ഹോട്ടലില്‍ കയറി മര്‍ദ്ദിച്ചത്.
ബദിയടുക്ക ടൗണില്‍ ഹോട്ടല്‍ നടത്തിവരികയാണ് അശോകന്‍. ഭക്ഷണം കഴിച്ച് ഹോട്ടലിനകത്ത് കിടന്നുറങ്ങുമ്പോള്‍ ഓട്ടോ ഡ്രൈവറായ സുരേഷാണ് മര്‍ദ്ദിച്ചത്. തൊട്ടടുത്ത ഒരു ഹോട്ടലില്‍ നിന്നും തലേദിവസം പണവും മുട്ടയും കാണാതായിരുന്നു. ഇതെടുത്തത് അശോകനും അബ്ദുല്‍ ഖാദറുമാണെന്ന് ആരോപിച്ചായിരുന്നു മര്‍ദ്ദനം.
Keywords: Kasaragod, Assault, Money, Hotel, Auto driver
Tags
Share this story
