എറണാകുളം സ്വദേശിനിയായ യുവതിയെ പീഡിപ്പിച്ച് ഗര്‍ഭിണിയാക്കിയ കേസില്‍ പ്രതിയായ യുവാവ് അറസ്റ്റില്‍

By Web Desk SNNov 30, 2017, 13:42 IST

വിദ്യാനഗര്‍: (www.kasargodvartha.com 30/11/2017) എറണാകുളം സ്വദേശിനിയായ യുവതിയെ പീഡിപ്പിച്ച് ഗര്‍ഭിണിയാക്കിയ കേസില്‍ പ്രതിയായ യുവാവിനെ പോലീസ് അറസ്റ്റു ചെയ്തു. ചെട്ടുംകുഴിയിലെ മുഹമ്മദ് അനീസിനെ (27) യാണ് വിദ്യാനഗര്‍ എസ് ഐ കെ.പി വിനോദ് കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. എറണാകുളം കാക്കനാട് സ്വദേശിനിയായ 20 കാരിയുടെ പരാതിയിലാണ് പോലീസ് കേസെടുത്തത്.

പീഡിപ്പിച്ച ശേഷം ഗര്‍ഭിണിയായതോടെ യുവതിയെ അനീസ് കൈയ്യൊഴിഞ്ഞുവെന്നാണ് പരാതി. തൃക്കകര പോലീസ് സ്‌റ്റേഷനിലാണ് യുവതി പരാതി നല്‍കിയത്. അറസ്റ്റിലായ പ്രതിയെ വിദ്യാനഗര്‍ പോലീസ് തൃക്കകര പോലീസിന് കൈമാറി.