കോളിംഗ്‌ബെല്ലടിച്ച് ഡ്രൈവറുടെ ഭാര്യയെ കടന്നുപിടിച്ചു; തടഞ്ഞപ്പോള്‍ തലയ്ക്കടിച്ചു

കാസര്‍കോട്: കോളിംഗ് ബെല്ലടിച്ച് വാതില്‍ തുറന്നപ്പോള്‍ ഓട്ടോഡ്രൈവറുടെ ഭാര്യയെ മറ്റൊരു ഡ്രൈവര്‍ കടന്നുപിടിച്ചു. ബഹളംകേട്ടെത്തിയ ഭര്‍ത്താവ് തടയാന്‍ ശ്രമിച്ചപ്പോള്‍ തലയ്ക്കടിച്ച് പരിക്കേല്‍പിച്ചു. ചെമ്മനാട് കൊമ്പനടുക്കത്തെ മുഹമ്മദിന്റെ മകനും ഓട്ടോഡ്രൈവറുമായ അബ്ദുല്‍ മനാഫിനെയാണ് തലക്കടിയേറ്റ പരിക്കുകളോടെ കാസര്‍കോട് ജനറല്‍ ആശുപത്രിയില്‍ പ്രവേശിപ്പിച്ചത്.

ബുധനാഴ്ച രാത്രി എട്ട് മണിയോടെ അബ്ദുല്‍ മനാഫിന്റെ വീട്ടിലെത്തിയ മറ്റൊരു ഓട്ടോഡ്രൈവര്‍ ആഷിഫാണ് വീടിന്റെ കോളിംഗ്‌ബെല്ല് അമര്‍ത്തിയത്. വാതില്‍ തുറന്നത് അബ്ദുല്‍ മനാഫിന്റെ ഭാര്യയായിരുന്നു. ഇവരെ ആഷിഫ് കെട്ടിപ്പിടിക്കുകയായിരുന്നു. ഇവര്‍ കുതറിമാറി ബഹളംവെച്ചപ്പോള്‍ ഓടിയെത്തിയ അബ്ദുല്‍ മനാഫിനെ പുറത്തിറങ്ങിയ ആഷിഫ് തലക്കടിച്ച് പരിക്കേല്‍പിച്ച് കടന്നുകളയുകയായിരുന്നു.