Why is the re-installation of speed humps on the Mogral service road considered urgent?

The re-installation is crucial for student safety. With over 2,500 students using the road to get to school, fast-moving vehicles pose a significant risk of accidents, which locals and auto drivers are currently trying to prevent.

മൊഗ്രാൽ സർവീസ് റോഡിൽ വേഗനിയന്ത്രണ സംവിധാനം പുനഃസ്ഥാപിക്കണമെന്ന് ആവശ്യപ്പെടുന്നത് എന്തുകൊണ്ടാണ്?

2500-ൽ അധികം വിദ്യാർത്ഥികൾ പഠിക്കുന്ന സ്കൂളിലേക്ക് ഈ റോഡ് മുറിച്ചുകടന്നാണ് പോകുന്നത്. ഇവിടെ അമിതവേഗതയിൽ വാഹനങ്ങൾ വരുന്നത് വിദ്യാർത്ഥികൾക്ക് വലിയ അപകട ഭീഷണിയായതിനാലാണ് ഹമ്പ് പുനഃസ്ഥാപിക്കാൻ ആവശ്യപ്പെടുന്നത്.

What is the community's accusation against the authorities regarding this issue?

Local residents allege that despite their repeated requests and those of public representatives during the road's re-tarring and maintenance, the authorities neglected to re-install the speed humps, leading to increased traffic hazards.

ഈ വിഷയത്തിൽ അധികാരികൾക്കെതിരെ നാട്ടുകാർ ഉന്നയിക്കുന്ന ആരോപണം എന്താണ്?

റോഡ് റീ-ടാറിംഗ് സമയത്ത് ഹമ്പ് നീക്കം ചെയ്തപ്പോൾത്തന്നെ അത് പുനഃസ്ഥാപിക്കാൻ നാട്ടുകാരും ജനപ്രതിനിധികളും ആവശ്യപ്പെട്ടിരുന്നു. എന്നാൽ അധികാരികൾ ഇത് അവഗണിച്ചുവെന്നാണ് നാട്ടുകാരുടെ ആരോപണം.

What additional safety measures are the residents demanding besides speed humps?

In addition to the speed humps and a 'school zone' sign, the residents have also requested police assistance to manage traffic during school hours in the morning and evening, ensuring students can cross the road safely.

What previous safety measures were in place at this location?

Earlier, the road had a speed hump. Additionally, traffic-trained students and teachers would assist with traffic control during school hours, and the Kumbla police had also been deployed there following requests from local organizations.

ഈ സ്ഥലത്ത് മുമ്പ് എന്തെല്ലാം സുരക്ഷാ ക്രമീകരണങ്ങൾ ഉണ്ടായിരുന്നു?

മുമ്പ് ഇവിടെ ഹമ്പ് ഉണ്ടായിരുന്നു. കൂടാതെ, സ്കൂൾ സമയങ്ങളിൽ ട്രാഫിക് നിയന്ത്രിക്കാൻ പരിശീലനം ലഭിച്ച വിദ്യാർത്ഥികളും അധ്യാപകരും ഉണ്ടായിരുന്നു. കുമ്പള പോലീസിനെയും ഇവിടെ വിന്യസിച്ചിരുന്നു.

അമിതവേഗതയിൽ പായുന്ന വാഹനങ്ങൾ ഭീഷണി; വേഗനിയന്ത്രണ സംവിധാനങ്ങൾ പുനഃസ്ഥാപിക്കണമെന്ന് ആവശ്യം

Whatsapp Group Whatsapp Channel

By Main DeskAug 12, 2025, 13:42 IST

Service road near Mogral Vocational Higher Secondary School, Kasaragod

● ഹമ്പ് നീക്കം ചെയ്തത് റോഡ് അറ്റകുറ്റപ്പണികൾക്കിടെയാണ്.
● ഹമ്പ് പുനഃസ്ഥാപിക്കാൻ അധികാരികൾ തയ്യാറായില്ലെന്ന് ആരോപണം.
● രാവിലെയും വൈകുന്നേരവും പോലീസിൻ്റെ സേവനവും വേണമെന്ന് ആവശ്യം.
● നാട്ടുകാരും ഓട്ടോറിക്ഷ തൊഴിലാളികളുമാണ് അപകടങ്ങൾ ഒഴിവാക്കാൻ സഹായിക്കുന്നത്.

മൊഗ്രാൽ: (KasargodVartha) മൊഗ്രാൽ ടൗൺ അടിപ്പാതയ്ക്ക് സമീപം സർവീസ് റോഡിൽ വേഗനിയന്ത്രണത്തിനായി 'ഹമ്പ്' പുനഃസ്ഥാപിക്കണമെന്നും 'സ്‌കൂൾ സോൺ' ബോർഡ് സ്ഥാപിക്കണമെന്നും ആവശ്യം ശക്തമാകുന്നു. നേരത്തെ ഇവിടെ ഹമ്പ് സംവിധാനം ഉണ്ടായിരുന്നതായി നാട്ടുകാർ പറയുന്നു. റോഡ് റീ-ടാറിംഗിന്റെയും അറ്റകുറ്റപ്പണികളുടെയും ഇടയിൽ ഇത് നീക്കം ചെയ്യുകയായിരുന്നു. ഹമ്പ് പുനഃസ്ഥാപിക്കണമെന്ന് നിർമ്മാണ വേളയിൽ തന്നെ നാട്ടുകാരും ജനപ്രതിനിധികളും ആവശ്യപ്പെട്ടിരുന്നെങ്കിലും അധികാരികൾ ചെവികൊണ്ടില്ലെന്നും ആരോപണമുണ്ട്.

2500-ൽ അധികം വിദ്യാർത്ഥികൾ പഠിക്കുന്ന മൊഗ്രാൽ വൊക്കേഷണൽ ഹയർ സെക്കൻഡറി സ്കൂൾ ടൗണിൽ നിന്ന് ഏകദേശം 50 മീറ്റർ അകലെയാണ് സ്ഥിതി ചെയ്യുന്നത്. വിദ്യാർത്ഥികൾ അടിപ്പാതയിലൂടെ റോഡ് മുറിച്ചുകടന്നുവേണം സ്കൂളിലേക്ക് പോകാൻ. സർവീസ് റോഡിൽ അമിതവേഗതയിൽ വരുന്ന വാഹനങ്ങൾ വിദ്യാർത്ഥികൾക്ക് വലിയ ഭീഷണിയാണ് സൃഷ്ടിക്കുന്നത്. നാട്ടുകാരുടെയും ഓട്ടോറിക്ഷ തൊഴിലാളികളുടെയും സംയുക്തമായ ഇടപെടലുകളാണ് പലപ്പോഴും അപകടങ്ങൾ ഒഴിവാക്കാൻ സഹായിക്കുന്നത്.

വിദ്യാർത്ഥികളെ റോഡ് മുറിച്ചുകടത്താൻ സ്കൂൾ വിടുന്ന വൈകുന്നേരങ്ങളിൽ അധ്യാപകരുടെ മേൽനോട്ടത്തിൽ ട്രാഫിക് നിയന്ത്രിക്കാൻ പരിശീലനം ലഭിച്ച വിദ്യാർത്ഥികളും ഉണ്ടാകും. നേരത്തെ സന്നദ്ധ സംഘടനകളും ജനപ്രതിനിധികളും ആവശ്യപ്പെട്ടതനുസരിച്ച് കുമ്പള പോലീസിനെയും ഇവിടെ വിന്യസിച്ചിരുന്നു. എന്നാൽ ഹമ്പ് എടുത്തു മാറ്റിയതോടെ വാഹനാപകട ഭീഷണി ഏറി വരുന്നതായി നാട്ടുകാർ ചൂണ്ടിക്കാട്ടുന്നു. ഹമ്പ് പുനഃസ്ഥാപിക്കാനും 'സ്‌കൂൾ സോൺ' സൂചനാ ബോർഡ് സ്ഥാപിക്കാനും നടപടി സ്വീകരിക്കണമെന്നാണ് നിലവിലെ ആവശ്യം. കൂടാതെ രാവിലെയും വൈകുന്നേരവും സ്കൂൾ സമയങ്ങളിൽ ട്രാഫിക് നിയന്ത്രിക്കാൻ പോലീസിൻ്റെ സേവനവും വേണമെന്നും നാട്ടുകാർ ആവശ്യപ്പെടുന്നുണ്ട്.

ഈ വിഷയത്തെക്കുറിച്ചുള്ള നിങ്ങളുടെ അഭിപ്രായങ്ങൾ പങ്കുവെക്കുക.

Article Summary: Demand to restore speed control measures on Mogral service road.

#Mogral #Kasargod #RoadSafety #SchoolZone #TrafficSafety #KeralaNews