വളർത്തുനായയുടെ കടിയേറ്റ് 9 വയസ്സുകാരന് പരിക്ക്; പൊതുജനങ്ങൾക്ക് ഭീഷണിയാകുന്ന രീതിയിൽ നായകളെ തുറന്നുവിടുന്നവർക്കെതിരെ നടപടിയെടുത്തില്ലെങ്കിൽ പ്രക്ഷോഭമെന്ന് എസ്ഡിപിഐ

മൊഗ്രാൽ പുത്തൂർ: (KasargodVartha) ചൗക്കി കടപ്പുറത്ത് വളർത്തുനായയുടെ കടിയേറ്റ് ഒമ്പത് വയസ്സുകാരന് പരിക്കേറ്റു. ചൗക്കി കടപ്പുറത്തെ ഹനീഫിൻ്റെ മകൻ മുഹമ്മദ് മുസ്തഫയ്ക്കാണ് വളർത്തുനായയുടെ ആക്രമണത്തിൽ പരിക്കേറ്റത്. കുട്ടി നിലവിൽ ആശുപത്രിയിൽ ചികിത്സയിലാണ്.

നടപടിയില്ലെങ്കിൽ സമരം

കുട്ടികൾക്കും പൊതുജനങ്ങൾക്കും മറ്റു വളർത്തുമൃഗങ്ങൾക്കും ഭീഷണിയാകുന്ന രീതിയിൽ വളർത്തുനായകളെ നിയന്ത്രണമില്ലാതെ വിടുന്ന സാഹചര്യം ഒഴിവാക്കാൻ അധികൃതർ അടിയന്തര നടപടി സ്വീകരിക്കണമെന്ന് എസ്ഡിപിഐ ആവശ്യപ്പെട്ടു. വളർത്തുമൃഗങ്ങളുടെ സുരക്ഷയും പൊതുജനങ്ങളുടെ ജീവനും ഒരുപോലെ സംരക്ഷിക്കുന്നതിനാവശ്യമായ നടപടികൾ ബന്ധപ്പെട്ട അധികാരികൾ ഉടൻ സ്വീകരിക്കണമെന്നും എസ്ഡിപിഐ മൊഗ്രാൽ പുത്തൂർ പഞ്ചായത്ത് കമ്മിറ്റി മുന്നറിയിപ്പ് നൽകി.

പഞ്ചായത്ത് അധികാരികൾ ഇതിന് ആവശ്യമായ നടപടി സ്വീകരിച്ചില്ലെങ്കിൽ ശക്തമായ സമരവുമായി മുന്നോട്ട് പോകുമെന്ന് പഞ്ചായത്ത് സെക്രട്ടറി ഖലീൽ കല്ലങ്കൈ വ്യക്തമാക്കി.

നേതാക്കൾ ആശുപത്രി സന്ദർശിച്ചു

നായയുടെ കടിയേറ്റ് ആശുപത്രിയിൽ ചികിത്സയിൽ കഴിയുന്ന കുട്ടിയെ എസ്ഡിപിഐ നേതാക്കൾ സന്ദർശിച്ചു.

പഞ്ചായത്ത് സെക്രട്ടറി ഖലീൽ കല്ലങ്കൈ, സമീർ ചൗക്കി, സവാദ് കല്ലങ്കൈ, ഖാദർ എരിയാൽ തുടങ്ങിയവരാണ് കുട്ടിയെ ആശുപത്രിയിൽ സന്ദർശിക്കുകയും കുടുംബത്തിന് പിന്തുണ അറിയിക്കുകയും ചെയ്തത്.

കൂടുതല്‍ വാർത്തകളും വിശേഷങ്ങളും അറിയാന്‍ ഞങ്ങളുടെ ഫേസ്ബുക്ക് പേജും വാട്സ് ആപ്പ് ചാനലും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പോസ്റ്റിന് കമൻ്റായി രേഖപ്പെടുത്തുക. 

Article Summary: A nine-year-old boy, Muhammad Mustafa, was injured in a pet dog attack at Chowki Kadappuram in Mogral Puthur; SDPI warned of protests if authorities fail to act.

#MogralPuthur #KasaragodNews #DogBite #SDPI #KeralaNews #MalayalamNews #LocalNewsKerala #RenuNews