മൊഗ്രാൽ ബസ് ഷെൽട്ടർ തർക്കം വഴിത്തിരിൽ: ‘ഓൾഡ് എം.സി.സി. റോഡ്' ബോർഡ് സ്ഥാപിച്ചു

മൊഗ്രാൽ: (KasargodVartha) മൊഗ്രാലിലെ യൂത്ത് ലീഗ് പ്രവർത്തകരുടെ പ്രതിഷേധം അവസാനിക്കുന്നില്ല. മൊഗ്രാൽ ലീഗ് ഓഫീസ് ബസ് സ്റ്റോപ്പിന്റെ പേരിനെച്ചൊല്ലിയുണ്ടായ തർക്കം റോഡിൻ്റെ പേരിലേക്കും വ്യാപിച്ചു. 

ടി.എം. കുഞ്ഞി റോഡിന് പകരം തിങ്കളാഴ്ച രാത്രി ഒരു സംഘം യുവാക്കൾ 'ഓൾഡ് എം.സി.സി. റോഡ്, കടവത്ത്' എന്ന ബോർഡ് സ്ഥാപിച്ചത് പുതിയ വിവാദത്തിന് കാരണമായി.

കടവത്ത് എം.സി.സി. റോഡിന് കടവത്ത് നിവാസികളുമായി ആലോചിക്കാതെയാണ് ടി.എം. കുഞ്ഞി റോഡ് എന്ന് പേരിട്ടതെന്നാണ് പ്രധാന ആരോപണം. ഈ പേരും മാറ്റണമെന്ന ആവശ്യമാണ് പുതിയ ബോർഡ് സ്ഥാപിച്ചതിന് പിന്നിലെന്ന് കരുതുന്നു.

നിലവിൽ ഈ റോഡിന് രണ്ട് പേരുകളായി. ബസ് കാത്തിരിപ്പ് കേന്ദ്രത്തിന് ടി.എം. കുഞ്ഞി റോഡ് എന്ന പേര് നൽകിയത് നേരത്തെ വലിയ വിവാദമായിരുന്നു. എം.എൽ.എയുടെ ഇടപെടൽ പോലും ഫലം കണ്ടിരുന്നില്ല.

പേര് വിവാദം കത്തിപ്പടരുമ്പോൾ, മൊഗ്രാലിലെ വിവിധ റോഡുകൾക്ക് അവിടുത്തെ പ്രമുഖ വ്യക്തികളുടെ പേര് നൽകണമെന്ന ആവശ്യവുമായി പലരും രംഗത്തെത്തുന്നുണ്ട്. മൊഗ്രാൽ നങ്കി റോഡിന്, മദ്രാസ് അസംബ്ലിയിൽ കാസർകോട് എം.എൽ.എയായിരുന്ന എം.എസ്. മൊഗ്രാലിന്റെ പേര് നൽകണമെന്ന ആവശ്യം ഉയർന്നിട്ടുണ്ട്. 

1952 മുതൽ 1957 വരെ എം.എൽ.എ. ആയിരുന്ന എം.എസ്. മൊഗ്രാൽ, മുൻ പ്രധാനമന്ത്രി ജവഹർലാൽ നെഹ്റുവുമായി അടുത്ത ബന്ധം പുലർത്തിയിരുന്ന എ.ഐ.സി.സി. നേതാവ് കൂടിയായിരുന്നു.
 

ഈ വാർത്തയെക്കുറിച്ച് നിങ്ങളുടെ അഭിപ്രായങ്ങൾ കമന്റ് ചെയ്യുക. നിങ്ങളുടെ സുഹൃത്തുക്കളുമായി പങ്കുവെക്കാൻ മറക്കരുത്.

Article Summary: Dispute over a bus stop's name in Mogral escalates to a road naming conflict.

#Mogral #Kasargod #KeralaPolitics #RoadNaming #YouthLeague #LocalNews