Temporary Solution | മൊഗ്രാൽ പുതിയ പാലം ഗതാഗതത്തിന് തുറന്നു; ഗതാഗത പ്രശ്‌നങ്ങൾക്ക് താൽക്കാലിക പരിഹാരം

മൊഗ്രാൽ: (KasargodVartha) രൂക്ഷമായ ഗതാഗതക്കുരുക്കിന് വിമുക്തി നൽകി പുതുതായി നിർമിച്ച മൊഗ്രാൽ പാലം ചൊവ്വാഴ്ച രാവിലെ ഗതാഗതത്തിന് തുറന്നുകൊടുത്തു. ഈ മേഖലയിലെ ദീർഘകാലത്തെ ഗതാഗത പ്രശ്‌നങ്ങൾക്ക് താൽക്കാലികമായെങ്കിലും പരിഹാരമായിട്ടുണ്ട്.

പാലത്തിന്റെ നിർമാണം പൂർത്തിയായെങ്കിലും, സർവീസ് റോഡുകളിലെ ഗതാഗതക്കുരുക്ക് ഇപ്പോഴും ഒരു പ്രധാന വെല്ലുവിളിയായി തുടരുന്നു. ഇവിടങ്ങളിൽ ഒരു വാഹനത്തിന് മാത്രമേ ഒരേ സമയം സഞ്ചരിക്കാൻ സാധിക്കൂ. ഇത് വാഹനക്കേട് പോലുള്ള അപ്രതീക്ഷിത സാഹചര്യങ്ങളിൽ  സർവീസ് റോഡിൽ ഗതാഗത സ്തംഭനമാണ് ഉണ്ടാവുന്നത്. വാഹനം എടുത്തുമാറ്റാൻ മണിക്കൂറുകളോളം എടുക്കുന്നതിനാൽ വലിയതോതിലുള്ള ഗതാഗത സ്തംഭനത്തിനാണ് സർവീസ് റോഡ് സാക്ഷ്യം വഹിക്കുന്നത്.

സർവീസ് റോഡുകളിലെ ഉയർന്ന സ്ലാബുകൾ ഇരുചക്രവാഹനയാത്രികർക്ക് ഗുരുതരമായ അപകടസാധ്യത ഉയർത്തുന്നു. ചൊവ്വാഴ്ച, മൊഗ്രാൽ കൊപ്പളം സർവീസ് റോഡിൽ ഒരു സ്കൂട്ടർ യാത്രികൻ ലോറിക്ക് താഴെപ്പെട്ട് മരണപ്പെട്ടത് ഈ പ്രശ്‌നത്തിന്റെ ഗൗരവം വ്യക്തമാക്കുന്നു. സ്ലാബ് കയറാനുള്ള ശ്രമത്തിനിടയിൽ സ്കൂട്ടർ തെന്നി മറിഞ്ഞാണ് അപകടം സംഭവിച്ചത്.

#MograalBridge, #TrafficRelief, #RoadSafety, #MograalAccident, #ServiceRoadIssues, #InfrastructureDevelopment