മക്കളുടെ അവഗണനയില്‍ നാടുവിട്ട വയോധികയെ കോടതിയില്‍ ഹാജരാക്കി; കോടതി സ്വന്തം ഇഷ്ടത്തിന് വിട്ടു

By Web Desk - MainApr 24, 2018, 16:01 IST

കാസര്‍കോട്: (www.kasargodvartha.com 24.04.2018) മക്കള്‍ സംരക്ഷിക്കാത്തതിലുള്ള മനോവിഷമത്തെ തുടര്‍ന്ന് നാടുവിട്ട് മലപ്പുറത്ത് മതപഠന കേന്ദ്രത്തില്‍ കണ്ടെത്തിയ വയോധികയെ കോടതിയില്‍ ഹാജരാക്കി. ചട്ടഞ്ചാലിലെ തിമ്മി (65)യെയാണ് ഫസ്റ്റ് ക്ലാസ് മജിസ്ട്രേറ്റ് കോടതിയില്‍ ഹാജരാക്കിയത്. കോടതി സ്വന്തം ഇഷ്ടത്തിനു വിട്ടതിനെ തുടര്‍ന്ന് ഇവര്‍ പിന്നീട് നീലേശ്വരത്തെ ബന്ധുവിനൊപ്പം പോയി.

ഏപ്രില്‍ 14നാണ് തിമ്മിയെ കാണാതായത്. ബന്ധുക്കള്‍ വിദ്യാനഗര്‍ പോലീസില്‍ നല്‍കിയ പരാതിയുടെ അടിസ്ഥാനത്തില്‍ പോലീസ് നടത്തിയ അന്വേഷണത്തിലാണ് തിമ്മിയെ പൊന്നാനിയിലെ മതപഠന കേന്ദ്രത്തില്‍ നിന്നും കണ്ടെത്തിയത്. തുടര്‍ന്ന് കോടതിയില്‍ ഹാജരാക്കുകയായിരുന്നു.