വീണ്ടും കാണാതായ വീട്ടമ്മയെ മതപഠനകേന്ദ്രത്തില്‍ കണ്ടെത്തി

By Web Desk SNNov 9, 2017, 13:01 IST

കാസര്‍കോട്:(www.kasargodvartha.com 09/11/2017) വീണ്ടും കാണാതായ വീട്ടമ്മയെ മലപ്പുറത്തെ മതപഠന കേന്ദ്രത്തില്‍ കണ്ടെത്തി. മേല്‍പ്പറമ്പ് മരവയലിലെ വാടക ക്വാര്‍ട്ടേഴ്‌സില്‍ താമസിക്കാരിയും നെല്ലിക്കുന്ന് സ്വദേശിനിയുമായ ജയശ്രീയെ (32)യാണ് വീണ്ടും കാണാതായത്. മൂന്നു വയസുള്ള കുട്ടിയെയും കാണാതായിരുന്നു. ജയശ്രീയെയും കുട്ടിയെയും പോലീസ് പിന്നീട് മലപ്പുറത്തെ മതപഠന കേന്ദ്രത്തില്‍ കണ്ടെത്തുകയായിരുന്നു.

മതപഠന കേന്ദ്രത്തില്‍ നിന്നും അറിയിച്ചതിനെ തുടര്‍ന്നാണ് കാസര്‍കോട് പോലീസ് ഇവിടെയെത്തിയത്. തുടര്‍ന്ന് ജയശ്രീയെയും കുട്ടിയെയും പോലീസ് ബുധനാഴ്ച രാത്രിയോടെ കാസര്‍കോട് ടൗണ്‍ സ്‌റ്റേഷനിലേക്ക് കൊണ്ടുവന്നു. മൊഴി രേഖപ്പെടുത്തിയ ശേഷം കോടതിയില്‍ ഹാജരാക്കും.