കാസര്‍കോട്ടെ കറുത്ത കുതിരകളെ പിടിച്ചുകെട്ടാന്‍ ഒരുമിച്ച് നില്‍ക്കണം: മന്ത്രി
Oct 12, 2012, 21:41 IST
ഈകേസുകളിലെല്ലാം പ്രതികളെ ശിക്ഷിച്ചാല്‍ പുതിയ തലമുറ ഒന്നാകെ ജയിലില്‍ കിടക്കേണ്ടിവരും. ഒന്നോ രണ്ടോ കറുത്ത കുതിരകള്‍ നടത്തുന്ന അക്രമസംഭവങ്ങളില്‍ പാവപ്പെട്ട കുട്ടികളെയാണ് ഇരകളാക്കുന്നത്. കാസര്‍കോട്ട് കൊലക്കത്തിയുടെ രക്തക്കറ കഴുകിക്കളയാന്‍ ഗവണ്‍മെന്റ് പ്രതിജ്ഞാബദ്ധമാണെന്നും മന്ത്രിപറഞ്ഞു. പ്രകൃതിരമണിയമായ നമ്മുടെ നാടിനെ വര്‍ഗീയ സംഘര്‍ഷത്തിന്റെ പേരില്‍ തകര്‍ക്കാന്‍ നോക്കുന്ന ചിദ്രശക്തികള്‍ക്കെതിരെ നമ്മള്‍ ഒരുമിച്ചുനില്‍ക്കണം. മതസൗഹാര്‍ദം തകര്‍ക്കുന്നവര്‍ എത്ര വലിയ ശക്തരായാലും അവരെ പിടികൂടി നീതിനടപ്പാക്കാന്‍ പോലീസ് സന്നദ്ധരാകും. ഇക്കാര്യത്തില്‍ ഒരു സംശയവുംവേണ്ടെന്ന് മന്ത്രിപറഞ്ഞു. നമ്മുടെ കുട്ടികളെ നിരാലംബരായ അവസ്ഥയിലേക്ക് മാറ്റാന്‍ ആരേയും അനുവദിക്കരുത്.
രാഷ്ട്രീയ അക്രമസംഭവങ്ങള്‍ക്ക് പേരുകേട്ട സ്ഥലങ്ങളിലുള്ളവര്‍ കൊലക്കത്തികള്‍ താഴെവെച്ച് അക്രമത്തില്‍നിന്നും പിന്നോട്ട്‌പോയിട്ടുണ്ട്. ഇക്കാര്യങ്ങളെല്ലാം നമ്മള്‍ മനസ്സിലാക്കണം. ഏത് മത ഗ്രന്ഥവും മറ്റൊരുമതത്തില്‍പെട്ടവരെ അക്രമിക്കാന്‍ ആഹ്വാനംചെയ്തിട്ടില്ല. തെറ്റിനെതിരെ ജാതി മത ചിന്തകള്‍ക്കതീതമായി പ്രവര്‍ത്തിക്കാനും മാനവ മൈത്രിയും മത സൗഹാര്‍ദ്ദവും നിലനിര്‍ത്താനും മന്ത്രി ആഹ്വാനംചെയ്തു.
ചടങ്ങില്‍ എന്‍.എ. നെല്ലിക്കുന്ന് എം.എല്‍.എ. അധ്യക്ഷത വഹിച്ചു. എം.എല്‍.എമാരായ പി.ബി. അബ്ദുര്‍ റസാഖ്, കെ. കുഞ്ഞിരാമന്‍, ഇ. ചന്ദ്രശേഖരന്‍, ജില്ലാ പഞ്ചായത്ത് പ്രസിഡന്റ് പി.പി. ശ്യാമളാദേവി, ജില്ലാ കളക്ടര്‍ പി.എസ്. മുഹമ്മദ് സഗീര്‍, നഗരസഭാ ചെയര്‍മാന്‍ ടി.ഇ. അബ്ദുല്ല, അബ്ദുല്‍ മജീദ് മൗലവി, റവ. ഫാദര്‍ വില്‍സണ്‍ ഡിസുസ, സ്വാമി വിവിക്താനന്ദ സരസ്വതി, ഇ. ചന്ദ്രശേഖരന്‍ നായര്‍, എം.കെ. രാധാകൃഷ്ണന്‍ തുടങ്ങിയവര്‍ സംസാരിച്ചു. എസ്.പി. എസ്. സുരേന്ദ്രന്‍ സ്വാഗതംപറഞ്ഞു.
പരിപാടിയില്‍ പങ്കെടുത്തവര്‍ മാനവസൗഹാര്‍ദ പ്രതിജ്ഞയെടുത്തു. നേരത്തെ പുലിക്കുന്നില്‍നിന്നും ആരംഭിച്ച റാലി നഗരസഭാ ചെയര്‍മാന്‍ ടി.ഇ. അബ്ദുല്ല ഫ്ളാഗ് ഓഫ് ചെയ്തു. നഗരംചുറ്റി പുതിയ ബസ് സ്റ്റാന്‍ഡ് പരിസരത്ത് റാലി സമാപിച്ചു.
Keywords: Kasaragod, Rally, Minister Thiruvanchoor Radhakrishnan, Kerala, Manava Souhardha Yathra, Malayalam News, Kerala Vartha
Tags
Share this story
