Protest | തൊഴിലുറപ്പ് പദ്ധതി: ‘ഘാതകരായി കേന്ദ്ര-സംസ്ഥാന സർക്കാരുകൾ’; പ്രതിഷേധിച്ച് ഐഎൻടിയുസി

മഞ്ചേശ്വരം: (KasargodVartha) മഹാത്മാഗാന്ധി ഗ്രാമീണ തൊഴിലുറപ്പ് പദ്ധതി തകർക്കപ്പെടുന്നതിൽ പ്രതിഷേധിച്ച് ഐഎൻടിയുസി മഞ്ചേശ്വരം നിയോജകമണ്ഡലം കമ്മിറ്റി ബ്ലോക്ക് ഓഫീസിന് മുന്നിൽ പ്രതിഷേധം സംഘടിപ്പിച്ചു. കേന്ദ്ര-സംസ്ഥാന സർക്കാരുകളുടെ നയങ്ങൾ മൂലം പദ്ധതി തളർന്നുപോയിരിക്കുകയാണെന്ന് പ്രതിഷേധക്കാർ ആരോപിച്ചു. തൊഴിൽ ദിനങ്ങൾ കുറയുക, താമസിച്ചുള്ള വേതനം, പദ്ധതിയിലെ അഴിമതി എന്നിവയാണ് പ്രധാന പ്രശ്‌നങ്ങൾ. 

തൊഴിലുറപ്പ് പദ്ധതിയുടെ സുരക്ഷയും തൊഴിലാളികളുടെ ക്ഷേമവും ഉറപ്പാക്കാൻ കേന്ദ്ര സർക്കാരിൽ സംസ്ഥാന സർക്കാർ മതിയായ സമ്മർദ്ദം ചെലുത്തുന്നില്ല എന്നത് ആശങ്കാജനകമാണ്. തൊഴിൽ മേഖലയെയും തൊഴിലാളി വർഗത്തെയും തകർക്കുന്നതിൽ കേന്ദ്ര-സംസ്ഥാന സർക്കാരുകൾ ഒത്തൊരുമിക്കുന്നുവെന്ന് പറയുന്നത് അതിശയോക്തിയല്ല.

ഐഎൻടിയുസി ജില്ലാ ജനറൽ സെക്രട്ടറി എ. ഷാഹുൽ ഹമീദ് ഉദ്ഘാടനം ചെയ്തു. 'മോദി സർക്കാർ മഹാത്മാഗാന്ധിയുടെ പേര് ദുരുപയോഗം ചെയ്യുന്നു. പിണറായി വിജയൻ സർക്കാരും പദ്ധതി തകർക്കാൻ കൂട്ടുനിൽക്കുന്നു. തൊഴിലാളികളുടെ അവകാശങ്ങൾ സംരക്ഷിക്കാൻ സർക്കാരുകൾക്ക് ബാധ്യതയുണ്ട്,' അദ്ദേഹം പറഞ്ഞു. തൊഴിലുറപ്പ് പദ്ധതിയുടെ ഘാതകരായി കേന്ദ്ര-സംസ്ഥാന സർക്കാരുകൾ മാറിയിരിക്കുകയാണെന്നും. ഷാഹുൽ ഹമീദ് പറഞ്ഞു.

പ്രതിഷേധത്തിൽ നിയോജകമണ്ഡലം പ്രസിഡന്റ് സത്യൻ സി ഉപ്പള അധ്യക്ഷത വഹിച്ചു. നിയോജക മണ്ഡലം ജനറൽ സെക്രട്ടറി ഷാജി എൻ. സി, വൈസ് പ്രസിഡന്റ് കമറുദ്ദീൻ പാടലടുക്ക, കോൺഗ്രസ്‌ നേതാക്കളായ ഐ ആർ ഡി പി ഇബ്രാഹിം, ഇർഷാദ് മഞ്ചേശ്വർ, പുത്തിഗെ പഞ്ചായത്ത്‌ മെമ്പർ കേശവ, വി പി മഹാരാജൻ, ഐ എൻ ടി യു സി ഭാരവാഹികളായ വിജയൻ എസ് കെ, സീത കുമ്പള, ശിവരാമഷെട്ടി, ജോയ്, ഉമ്മർ ബജ്ജ, മണ്ഡലം പ്രസിഡണ്ട് മാരായ പത്മനാഭ കുമ്പള, പീറ്റർ ഡി സൂസ, അഷ്റഫ് പുത്തിഗെ, ലക്ഷ്മണ ഉപ്പള, ഐ എൻ ടി യു സി നേതാക്കളായ മുഹമ്മദ് ബജ്ജ, ശാന്തപ്പ പഞ്ചത്തൊട്ടി, തൊഴിലുറപ്പ് തൊഴിലാളികൾ എന്നിവർ സംബന്ധിച്ചു. നിയോജക മണ്ഡലം സെക്രട്ടറിമാരായ ജെസ്സി കണ്വതീർത്ത സ്വാഗതവും, ചന്ദ്രശേഖര കുമ്പള നന്ദിയും പറഞ്ഞു.

നീലേശ്വരത്ത് ഐഎൻടിയുസി നേതൃത്വത്തിൽ തൊഴിലുറപ്പ് തൊഴിലാളികളുടെ പ്രതിഷേധം

നീലേശ്വരം: തൃക്കരിപ്പൂർ നിയോജകമണ്ഡലം ഐഎൻടിയുസി കമ്മിറ്റിയുടെ നേതൃത്വത്തിൽ തൊഴിലുറപ്പ് തൊഴിലാളികൾ നീലേശ്വരം ബ്ലോക്ക് പഞ്ചായത്ത് ഓഫീസിനു മുന്നിൽ പ്രതിഷേധം സംഘടിപ്പിച്ചു. നിയോജകമണ്ഡലം പ്രസിഡന്റ് കെ. സുരേഷ് കുമാറിന്റെ അധ്യക്ഷതയിൽ നടന്ന സമരം ഐഎൻടിയുസി ജില്ലാ പ്രസിഡന്റ് പി.ജി.ദേവ് ഉദ്ഘാടനം ചെയ്തു.

സംസ്ഥാന സമിതി അംഗം ടി.വി.കുഞ്ഞിരാമൻ, നീലേശ്വരം മണ്ഡലം കോൺഗ്രസ് പ്രസിഡന്റ് എറുവാട്ട് മോഹനൻ, വി.കെ.കുഞ്ഞിത്രാമൻ, എൻ.സി.രാജു, ഇ.ഷജീർ, കെ.വി.ദാമോദരൻ, മനോജ് വലിയപറമ്പ്, വി.വി.രാജൻ, എം.ദാമോദരൻ, മംഗളാദേവി എന്നിവർ പ്രസംഗിച്ചു.

(ചിത്രം): തൊഴിലുറപ്പ് തൊഴിലാളി കോൺഗ്രസ് നീലേശ്വരത്ത് നടത്തിയ സമരം ഐ എൻ ടി യു സി ജില്ലാ പ്രസിഡന്റ് പി.ജി.ദേവ് ഉദ്ഘാടനം ചെയ്യുന്നു.

#MGNREGA #INTUC #WorkersRights #Protest #Manjeshwar #Employment #Nileshwar