സർഗാത്മകത ഒരു രാഷ്ട്രീയ പ്രവർത്തനമാണ്: എസ് എസ് എഫ് സാഹിത്യോത്സവിൽ അംബികാസുതൻ മാങ്ങാട്

ബദിയടുക്ക: (KasargodVartha) സർഗാത്മകമായ ആവിഷ്കാരങ്ങൾ ഏറ്റവും വലിയ രാഷ്ട്രീയ പ്രവർത്തനമാണെന്ന് പ്രശസ്ത എഴുത്തുകാരൻ അംബികാസുതൻ മാങ്ങാട് അഭിപ്രായപ്പെട്ടു. എസ്.എസ്.എഫ് കാസർകോട് ജില്ലാ സാഹിത്യോത്സവം ഉദ്ഘാടനം ചെയ്തുകൊണ്ട് സംസാരിക്കുകയായിരുന്നു അദ്ദേഹം.

'വരാന്ത' എന്ന പ്രമേയത്തിൽ സംഘടിപ്പിച്ച ഈ സാഹിത്യോത്സവം, എൻഡോസൾഫാൻ ദുരിതബാധിതരെ ചേർത്തുപിടിക്കുന്ന ഒന്നാണെന്ന് അദ്ദേഹം ഊന്നിപ്പറഞ്ഞു. ‘നമ്മളും മനുഷ്യരാണ്... നമ്മുടെ നാട് രാഷ്ട്രീയാധികാര ഗർവിന്റെ കുപ്പത്തൊട്ടിയല്ല’ എന്നും അദ്ദേഹം കൂട്ടിച്ചേർത്തു.

എസ്.എസ്.എഫ് ജില്ലാ സെക്രട്ടറി ബാദുഷ സഖാഫി ചടങ്ങിൽ അധ്യക്ഷത വഹിച്ചു. എസ്.എസ്.എഫ് ദേശീയ സെക്രട്ടറി ഫിർദൗസ് സഖാഫി കടവത്തൂർ സന്ദേശ പ്രഭാഷണം നടത്തി. എസ്.വൈ.എസ് ജില്ലാ സെക്രട്ടറി സയ്യിദ് ഹാമിദ് അഹ്ദൽ തങ്ങൾ പ്രാർത്ഥനയ്ക്ക് നേതൃത്വം നൽകി. ഹാമിദ് റസാ ഉത്തർപ്രദേശ് സംസാരിച്ചു. 

ബി.എസ് അബ്ദുല്ല കുഞ്ഞി ഫൈസി, സുലൈമാൻ കരിവെള്ളൂർ, സയ്യിദ് ത്വൽഹത്ത് തങ്ങൾ, മുഹമ്മദ് ഇർഷാദ് യു.പി, ഇഖ്‌ബാൽ കാശ്മീർ, അബ്ദുറഹ്മാൻ സഖാഫി ചിപ്പാർ, നംശാദ് ബേക്കൂർ എന്നിവർ ചടങ്ങിൽ പങ്കെടുത്തു. മുർഷിദ് പുളിക്കൂർ സ്വാഗതവും അസീസ് അട്ടഗോളി നന്ദിയും പറഞ്ഞു.

ഈ വാർത്ത നിങ്ങളുടെ സുഹൃത്തുക്കളുമായി പങ്കുവെച്ച് നിങ്ങളുടെ അഭിപ്രായങ്ങൾ അറിയിക്കുക.

Article Summary: Ambikasuthan Mangad on creativity as political action.

#AmbikasuthanMangad #SSF #Kasaragod #LiteraryFest #Endosulfan #KeralaNews