മഞ്ചേശ്വരം, വെള്ളരിക്കുണ്ട് താലൂക്കുകള്‍ യാഥാര്‍ത്ഥ്യമാകുന്നു

കാസര്‍കോട് കാസര്‍­കോ­ടിന്റെ ഏ­റെ­നാ­ളു­ക­ളു­ടെ പ­ഴ­ക്ക­മുള്ള മ­ഞ്ചേ­ശ്വ­രം താ­ലൂ­ക്കും മലയോരത്തെ വെള്ളരികുണ്ട് താലൂക്കും യാ­ഥാര്‍­ത്യ­ത്തി­ലേ­ക്ക്. ബുധാനാഴ്ച നിയമസഭയില്‍ ധനമന്ത്രി കെ.എം. മാണി സംസ്ഥാന­ത്ത് പു­തു­തായി 12 താലൂക്കു­കള്‍ രൂ­പ­വ­ത്­ക­രി­ക്കു­മെന്ന് പ്രഖ്യാപിച്ചതോടെയാണ് ജില്ലയിൽ പുതുതായി രണ്ട് താലൂക്കുകൾ  യാഥാര്‍ഥ്യമാകുന്ന­ത്.

ക­ഴി­ഞ്ഞ നി­യ­മസ­ഭാ തി­ര­ഞ്ഞെ­ടു­പ്പില്‍ യു.ഡി.എഫ്. പ്രകടനപത്രികയില്‍ ജില്ലയിൽ രണ്ട് താലൂക്കുകൾ യാഥാര്‍ഥ്യമാക്കുമെന്ന് പ്രഖ്യാപിച്ചി­രുന്നു. കേ­ര­ള-കര്‍­ണാ­ട­ക അ­തിര്‍­ത്തി­യില്‍ സ്ഥി­തി ചെ­യ്യു­ന്ന
മ­ഞ്ചേ­ശ്വ­ര­ത്തി­ന് താ­ലൂ­ക്ക് ആ­യി ഉ­യര്‍­ത്തു­ന്ന­തോ­ടെ സമ­ഗ്ര വി­ക­സ­ന­ത്തി­ന് മ­ന്ത്രി­യു­ടെ പുതി­യ പ്ര­ഖ്യാപ­നം മു­തല്‍­കൂ­ട്ടാ­കും. ഇ­ത് വ്യാവ­സായി­ക പ­ര­മായും വി­ദ്യാ­ഭ്യാ­സ­പ­രമാ­യു­മുള്ള വി­ക­സ­ന­ത്തിന് വേ­ഗം കൂ­ട്ടും. ഇ­തി­നി­ടെ മ­ഞ്ചേ­ശ്വരം തു­റ­മു­ഖ­ത്തി­ന് അ­നുമ­തി നല്‍­കി­യതും ഇ­ര­ട്ടി­മ­ധു­രം നല്‍­കു­ന്നു.


1996ലെ കെ. കരുണാകരന്‍ മന്ത്രിസഭയുടെ കാലത്ത് നിയോഗിച്ച ബാബുപോള്‍ കമ്മീഷന്‍ റിപോര്‍­ട്ടി­ലാ­ണ് മ­ഞ്ചേ­ശ്വ­രം താ­ലൂ­ക്കി­നാ­യി ഉ­യര്‍­ത്താന്‍ ആ­വ­ശ്യ­മു­യര്‍­ന്നത്. തു­ടര്‍­ന്നി­ങ്ങോ­ട്ട് 17 വര്‍­ഷ­ത്തി­ന്റെ കാ­ത്തി­രിപ്പ്. കാസര്‍­കോട് താലൂക്കിനെ വിഭജിച്ചാ­ണ് 41 വില്ലേ­ജു­ക­ളു­ള്ള മ­ഞ്ചേ­ശ്വരം മണ്ഡ­ല­ത്തെ താ­ലൂ­ക്കാ­യി രൂ­പ­വ­ത്­ക­രി­ക്കു­ന്നത്. .

മലയോര മേഖലയു­ടെ പു­രോ­ഗ­മ­ന­ത്തിന് വെള്ളരിക്കുണ്ട് താലൂ­ക്ക് സ­ഹാ­യ­ക­ര­മാ­കും. കാര്‍ഷി­ക പ­ര­മാ­യി മു­ന്നില്‍ നില്‍­ക്കു­ന്ന വെ­ള്ള­രി­ക്കു­ണ്ടി­ന് വ്യ­വസാ­യ മേ­ഖ­ല­യിലും വാ­ണി­ജ്യ മേ­ഖ­ല­യിലും വേ­ഗ­ത്തി­ലു­ള്ള വ­ളര്‍ച്ച കൈ­വ­രി­ക്കാന്‍ സാ­ധി­ക്കും.

താ­ലൂ­ക്ക് രൂ­പ­വ­ത്­ക­രി­ക്കാ­നു­ള്ള ആ­വ­ശ്യ­വു­മായി യു.ഡി.എഫ് ജില്ലാ ചെയര്‍മാന്‍ ചെര്‍ക്കളം അ­ബ്ദുല്ല­, പി.ബി. അബ്ദുര്‍ റസാഖ് എം.എല്‍.എ, യു.കെ. യു­സ­ഫ് എ­ന്നി­വ­രു­ടെ നേ­തൃ­ത്വ­ത്തി­ലുള്ള പ്രതിനിധി സംഘം മുഖ്യമന്ത്രിയേയും റവന്യൂ മന്ത്രിയേയും ക­ണ്ട് നി­വേദ­നം സ­മര്‍­പി­ച്ചി­രു­ന്നു. ഇ­തി­ന് ശേ­ഷ­മാ­ണ് താ­ലൂ­ക്ക് യാ­ഥാര്‍­ത്യ­മാ­കു­ന്നത്. താലൂക്ക് പ്രഖ്യാപനം വന്നയുടനെ മഞ്ചേശ്വരത്ത് ആഹ്ലാദ പ്രകടനവും മധുര പലഹാര വിതരണവും നടന്നു.