മഞ്ചേശ്വരത്ത് തീരമണഞ്ഞ് ചാകര; അയിലയും മത്തിയും ചെമ്മീനും യഥേഷ്ടം, വിപണിയിൽ മീൻവില ഇടിഞ്ഞു

മഞ്ചേശ്വരം: (KasargodVartha) മത്സ്യത്തൊഴിലാളികൾക്ക് ഇനി സന്തോഷത്തിൻ്റെ നാളുകൾ. ബോട്ടുകളിലും വള്ളങ്ങളിലും നിറയെ മീനുകളുമായി തൊഴിലാളികൾ കര തൊട്ടുതുടങ്ങി. ഇതോടെ മത്സ്യവിൽപ്പന കേന്ദ്രങ്ങൾ വീണ്ടും സജീവമായിരിക്കുകയാണ്. ഈ സീസണിൽ വലിയ മത്സ്യ ചാകര ലഭിക്കുമെന്ന പ്രതീക്ഷ നേരത്തെ തന്നെ മത്സ്യത്തൊഴിലാളികൾക്കുണ്ടായിരുന്നു, ആ പ്രതീക്ഷകൾ തെറ്റിയില്ല.

അയിലയും മത്തിയും ചെമ്മീനും യഥേഷ്ടം മത്സ്യ മാർക്കറ്റുകളിൽ എത്തിത്തുടങ്ങിയിട്ടുണ്ട്. മത്സ്യങ്ങളുടെ വരവ് വൻതോതിൽ വർധിച്ചതോടെ വില നന്നേ കുറഞ്ഞത് തൊഴിലാളികൾക്ക് നേരിയ സങ്കടമുണ്ടാക്കിയെങ്കിലും മത്സ്യാഹാര പ്രേമികൾക്ക് ഇത് വലിയ ആശ്വാസമാണ് നൽകുന്നത്. കാലാവസ്ഥ അനുകൂലമായതോടെ വരും ദിവസങ്ങളിലും കൂടുതൽ മത്സ്യസമ്പത്ത് ലഭിക്കുമെന്നാണ് തീരപ്രദേശത്തെ തൊഴിലാളികളുടെ പ്രതീക്ഷ.

വിപണിയിലെ വിലവിവരങ്ങൾ

മീൻപിടുത്ത തുറമുഖങ്ങളിലും മീൻ വിൽപ്പന ചന്തകളിലും ഇപ്പോൾ വലിയ തിരക്കാണ് അനുഭവപ്പെടുന്നത്. രാത്രികാലങ്ങളിലും മീൻ വിൽപ്പന സ്റ്റാളുകൾ സജീവമായി പ്രവർത്തിക്കുന്നുണ്ട്. മത്തി ₹200 / കിലോ, ചെമ്മീൻ (ഇടത്തരം) ₹250 / കിലോ, അയല (ചെറിയ ഇനം) ₹200 / കിലോ, പൊടിമീൻ ₹100 - ₹140 ഇങ്ങനെയാണ് നിലവിലെ വില. 

തെക്കൻ കേരളത്തിൽ ആഴക്കടൽ ചാകര

മഞ്ചേശ്വരത്തെ വിലക്കുറവിനൊപ്പം തന്നെ, തെക്കൻ കേരളത്തിലെ ആഴക്കടൽ മത്സ്യബന്ധന തൊഴിലാളികൾക്കും മികച്ച നേട്ടമാണ് ലഭിക്കുന്നത്. കയറ്റുമതി മൂല്യമുള്ള വലിയ മത്സ്യങ്ങളാണ് ഇവിടെ കൂടുതലായി ലഭിക്കുന്നത്.

കൊഞ്ചൻ, വെള്ള ആവോലി / മാഞ്ചി, ചൂര, കിളിമീൻ, സ്രാവ് ഇത്തരം മീനുകൾ വൻകിടക്കാർ വാങ്ങി ഇന്ത്യയുടെ സമുദ്രോൽപ്പന്ന കയറ്റുമതിക്കാണ് കൂടുതലായി ഉപയോഗപ്പെടുത്തുന്നത്. ഇതിലൂടെ തൊഴിലാളികൾക്ക് മികച്ച വിലയും ലഭിക്കുന്നുണ്ട്. ഇന്ത്യൻ സമുദ്രോൽപ്പന്നങ്ങൾക്ക് വിദേശ വിപണിയിലുള്ള ഉയർന്ന ഡിമാൻഡ് ആഴക്കടൽ മത്സ്യബന്ധന മേഖലയ്ക്ക് വലിയ സാമ്പത്തിക ഉണർവാണ് നൽകുന്നത്.

ഈ വാർത്ത നിങ്ങളുടെ സുഹൃത്തുക്കൾക്കും വാട്സാപ്പ് ഗ്രൂപ്പുകളിലും ഷെയർ ചെയ്യുക. കൂടുതൽ വാർത്തകൾ അറിയാൻ ഞങ്ങളുടെ വാട്സാപ്പ് ചാലും ഫേസ്ബുക്ക് പേജും ഫോളോ ചെയ്യുക. നിങ്ങളുടെ അഭിപ്രായങ്ങൾ ഫേസ്ബുക്ക് പേജിൽ ഈ വാർത്തയുടെ പോസ്റ്റിന് താഴെ കമൻ്റുകളായി രേഖപ്പെടുത്തുക. 🐟

Article Summary: Fish prices drop in Manjeshwaram following an abundant catch.

#ManjeshwaramNews #KeralaFishing #SeafoodMarket #Ayala #Mathi #Chemmeen #KeralaNews #MalayalamNews #AnjuNews