ഇറങ്ങുന്നതിനിടെ രണ്ടുബസുകള്‍ക്കിടയില്‍ കുടുങ്ങി; യാത്രക്കാരന് പരിക്ക്

By Web Desk SNNov 15, 2017, 19:48 IST

കാഞ്ഞങ്ങാട്: (www.kasargodvartha.com 15.11.2017) ഇറങ്ങുന്നതിനിടെ രണ്ട് ബസുകള്‍ക്കിടയില്‍ കുടുങ്ങി യാത്രക്കാരന് പരിക്കേറ്റു. തണ്ണോട്ട് ചിറംകോട്ടെ എ നാരായണനാണ് (66) പരിക്കേറ്റത്. കഴിഞ്ഞ ദിവസം കാഞ്ഞങ്ങാട് ബസ് സ്റ്റാന്‍ഡില്‍ കെഎസ്ആര്‍ടിസി ബസില്‍ നിന്നും ഇറങ്ങാന്‍ ശ്രമിക്കുന്നതിനിടയിലാണ് നാരായണന്‍ രണ്ട് ബസുകള്‍ക്കിടയിലായി കുടുങ്ങിയത്.

സ്റ്റാന്‍ഡിലുണ്ടായിരുന്ന യാത്രക്കാര്‍ ബഹളം വെച്ചതിനെ തുടര്‍ന്ന് ബസ് നിര്‍ത്തിയതിനാല്‍ ദുരന്തം ഒഴിവായി. സംഭവവുമായി ബന്ധപ്പെട്ട് കെഎല്‍ 15- 1717 നമ്പര്‍ കെഎസ്ആര്‍ടിസി ബസ് ഡ്രൈവര്‍ക്കെതിരെ ഹൊസ്ദുര്‍ഗ് പോലീസ് കേസെടുത്തു.